Basiese bolognaise

Makliker kos kry jy nie. As jy vanaand nie lus is vir lank staan voor die stoof nie, slaan sommer hierdie vinnige bolognaise aanmekaar.

Genoeg vir 8
Tyd: 25 minute

 
BESTANDDELE
olyf- of avokado-olie,  om te braai
3 uie, fyngekap
8 knoffelhuisies, fyngemaak
1 kg beesmaalvleis
4 x 410 g blikke gekapte tamaties of tamatiepuree
125 ml blatjang
hand vol pietersielie, gekap

METODE
1 Verhit ’n bietjie olie oor matige hitte en soteer die uie en knoffel. Geur en hou eenkant.
2 Verhit nog ’n bietjie olie en braai die maalvleis ongeveer 8 minute tot bruin. Geur. Plaas uie terug in die pan, saam met die tamaties en blatjang, en laat kook ongeveer 5-10 minute tot effens verdik. Meng pietersielie by.
2 Opdienwenke: Sit voor met spaghetti, gebakte aartappels of op roosterbrood. Bedek met kapokaartappels vir ’n herderspastei. Plaas ’n laag eiervrugskywe bo-op en giet ’n witsous oor vir ’n maklike moesaka. Gebruik in lasagne of snackwiches.
 

kommentaar (0)

Lewer Kommentaar

To prevent automated spam submissions leave this field empty.
CAPTCHA
Hierdie vraag is om te toets of jy ’n persoon is om outomatiese "spam" inskrywings te voorkom.
Image CAPTCHA
Website Security Test