Die waarde van ‘n voorbeeld

Julle besef nie altyd
Sê Daddy-God
Julle besef nie
Maar mense kyk vir julle

Kinders
Ek wil net vir julle kom vertel
Daar is soveel waarde
In die voorbeeld wat julle na die wêreld uitstraal

Mense hou julle dop kinders
Pappa wil dit net graag vir julle vertel
Hulle hou julle dop en vra dan hulself
Wil ek ‘n Christen wees?

Dis maar eenvoudig
Kinders van God
Dis nie oorgekompliseerd
Dit hoef nie te wees

Oe kinders
Sê Pappa-God
Glo My
Hulle hou julle dop

Julle lewens
Is dikwels die verskil
Wat maak dat hulle lewens tiep
Na die regte of verkeerde kant

Kinders sê Pappa
Kan Ek net vra
Begin om met oorleg
Julle lewens te leef

Ja kinders
Elke keuse maak ‘n verskil
Wees wys
Met wat julle toelaat

Ek sê nie val-nooit kinders
Ek sê hou-aan opstaan
Hou aan van Pappa leer
Kyk wat kan Ek doen

Ek wil julle elkeen
Bakens van Lig maak kinders
Dis wie elkeen van julle
My Geesvervulde kinders op aarde is

Ja liefste kinders
Sê Pappa-God
‘n Baken van Lig
Vir ‘n donker, miserabele en o so hopelose wêreld

Die wêreld het julle nodig
My kinders
So so baie nodig
Ek wil dit ook net graag vir julle sê

Ek wil die wêreld deur julle inbring kinders
Ek wil deur julle vir hulle hoop gee
Oe kinders sê Pappa, oe kinders
Dis hoe kosbaar en waardevol die roeping is wat Ek vir julle elkeen het

Wees liefde kinders
Wys liefde
Aan almal, nie net party
Dit is hoe ons die wêreld inbring

Ja kinders, ja
Sê Pappa
Dis hoe meer mense aangetrek word na My
Julle wat so mooi geklee is met liefde en nederigheid

Die Bybel sê mos
Trek dit aan soos ‘n kledingstuk
Kinders dit is vir My so mooi
Wanneer julle dit doen

Dankie dat julle harte is
Om om te gee oor Myne
Dis vir My spesiaal
Dat julle My hart hoor.