Groentefrittata met kaas

Hou een oog op die skaal terwyl jy hierdie heerlike ete geniet! Lekker eet hoef nie vet te maak nie.

Genoeg vir 4
Tyd: 25 minute


BESTANDDELE
45 ml olyf- of avokado-olie
1 klein eiervrug, gekap
1 klein rooi-ui, fyngekap
4 jong murgpampoentjies, gekap
1 rooi soetrissie, gekap
2,5 ml droë roosmaryn
2,5 ml droë rissievlokkies
seesout en varsgemaalde swartpeper, na smaak
8 groot eiers
60 ml melk
vars roketblare, vir opdiening
vars basiliekruid, vir opdiening
varsgerasperde Parmesaankaas, vir opdiening

METODE
1 Verhit die olie in ’n groot kleefvrye braaipan oor hoë hitte.
2 Voeg die eiervrug en uie by en braai tot goudkleurig, ongeveer 4-5 minute.
3 Voeg die murgpampoentjies, rooi soetrissie, droë roosmaryn en rissievlokkies by en braai nog 3 minute lank. Geur goed.
4 Meng die eiers en melk in ’n groot bak en voeg die gaar groente by die eiermengsel. Meng goed.
5 Giet nog ’n bietjie olie in die kleefvrye pan, voeg die eiermengsel by en plaas terug op die stoofplaat om nog 5 minute te kook. Plaas onder ’n warm rooster tot die gereg goudbruin is en borrel, ongeveer 3 minute.
6 Sit voor met ’n groot hoeveelheid vars roketblare, basiliekruid en gerasperde parmesaankaas.

Deur Leila Saffarian. Foto’s: Dylan Swart

kommentaar (0)

Lewer Kommentaar

To prevent automated spam submissions leave this field empty.
CAPTCHA
Hierdie vraag is om te toets of jy ’n persoon is om outomatiese "spam" inskrywings te voorkom.
Image CAPTCHA
Website Security Test