Ontbytkoekies met rooibosbessies en vye

333

15 min. + baktyd 20 min.
12-15 koekies

BESTANDDELE

300 g amandelmeel
50 g amandelskaafsels
50 g pampoenpitte
50 g sesamsaad
100 g gedroogde vye
1 t fyn kaneel
1 t sout
200 g amandelneutbotter
2 t vanieljegeursel
5 e rou heuning
Vir bo-oor
100 g rooibosbessies

METODE

1 Stel die oond op 180 °C. Berei ’n bakplaat voor met kleefsproei en besprinkel met amandelmeel.
2 Meng al die bestanddele saam tot dit egalig gemeng is en ’n stewige deegtekstuur het.
3 Neem ’n opgehoopte eetlepel deeg, rol dit in ’n balletjie, plaas op bakplaat en druk plat met ’n vurk. Herhaal tot die deeg op is.
4 Bak die koekies vir 20 minute.
5 Bedruip met rou heuning en besprinkel met amandelmeel en rooibosbessies sodra dit uit die oond kom.
6 Laat afkoel en bêre in ’n lugdigte houer in die yskas.