Pangebraaide visfilette met gevulde murgpampoenblomme en ’n bottersous

0
23
visfilette.jpg

Genoeg vir 4

Genoeg vir 4

BESTANDDELE

4 visfilette, 150-200 g elk (enige vars vis is geskik)
sout en peper na smaak
8-12 murgpampoenblomme (2-3 per persoon)

Sout moussevulsel
(vir blomme)
200 g gaar vis, gepuree en verkoel
1 eierwit, liggies geklop
50 ml room, liggies geklop
sout en peper na smaak

Beurre blanc
(“wit botter”)
150 ml witwyn
50 ml suurlemoensap
50 ml visaftreksel of posjeervloeistof
1 ui, fyngekap
1 klein uitjie, fyngekap
100 ml room
150 g botterblokkies, verkoel
 

METODE

Pangebraaide visfilette
1 Gebruik ’n deegkwas om die filette liggies met gesmelte botter of olyfolie te smeer, en geur met sout en peper.
2 Berei ’n roosterpan voor en maak dit deurwarm. Braai die filette tot net-net gaar.

Gevulde murgpampoenblomme
1 Maak die blomme skoon en spoel hulle versigtig uit om seker te maak daar is nie miere of sandkorrels binne-in nie.
2 Druk die blomme saggies droog met papierhanddoek en vul dit losweg met die sout moussevulsel (sien onder).
3 Gebruik ’n deegkwassie om die blomme met botter te smeer en bak in ’n lou oond (120 °C) totdat die mousse net-net gestol het (sowat 10 minute).

Sout moussevulsel
1 Dis belangrik om te sorg dat al die bestanddele vir hierdie mengsel baie koud is wanneer hulle saam gemeng word.
2 Meng al die bestanddele liggies en hou te alle tye in die yskas.

Beurre blanc
1 Meng die vloeistowwe in ’n klein kastrolletjie en voeg die uie by.
2 Kook dit af tot amper droog voordat jy die room byvoeg. Laat prut nog sowat 2 minute lank.
3 Haal van die stoof af en voeg die botter geleidelik by terwyl jy aanhoudend roer.
4 Dien onmiddellik op saam met die pangebraaide vis.

Opdienvoorstel:
Sit die vis voor saam met die gevulde murgpampoenblomme, dungesnyde en geblansjeerde murgpampoentjies en bottersous.

 

 

DEEL
Vorige artikelMinimum Lone
Volgende artikelSonde: dis nooit te laat nie
This is the "wpengine" admin user that our staff uses to gain access to your admin area to provide support and troubleshooting. It can only be accessed by a button in our secure log that auto generates a password and dumps that password after the staff member has logged in. We have taken extreme measures to ensure that our own user is not going to be misused to harm any of our clients sites.