Belangrik vir jou, is belangrik vir God

124

Soos jou verhouding met die Here groei en volwasse raak, sal jy minder reëls en regulasies nodig hê om op die reguit pad te bly.

Soos ’n mens groei in jou geloof, vind jy dikwels dat jou eie wil en begeertes verdwyn. Die Here se begeertes vir jou lewe word die hoofprioriteit. Jy leef meer volgens die begeertes van jou hart om Sy wil te doen.

In Psalm 37:4 is die belofte dat die begeertes van ons hart vir ons gegee sal word. Wanneer jy jou in ’n moeilike situasie bevind, hoef jy nie gedwonge te voel om dinge te doen en besluite te neem as jy nie ’n duidelike riglyn ontvang het nie.

Geen mens het al die antwoorde nie. Maar ons kan vra vir hulp om Sy stem duideliker te hoor. As Hy iets vir jou wys, doen dit. As die antwoord nie dadelik kom nie, bly rustig en kalm. Vertrou en weet dat dit wat jy nie kan doen nie vir jou gedoen sal word.

’n Groot deel van vertroue is om onbeantwoorde vrae te hê. As jy al die antwoorde het, is dit nie meer nodig om God te vertrou nie. Dit is die intieme skakeling wat Hy met ons het.

Dis ’n voorreg om op ’n lewendige God te kan vertrou. Om alles in my hart by Sy voete te kan lê.

– Karien Basson, Redakteur Vroue wat Glo

Vorige artikel[VIDEO] Belangrik vir jou, is belangrik vir God
Volgende artikelLynette Beer: “Ek glo in tweede kanse”