Die top 6 naelmodes van 2014

0
139
n_modes.png

Naellak is die bekostigbare en vinnige manier om jouself op te beur. Jy sal ’n glimlag op jou gesig kry elke keer as jy na jou hande kyk met een van hierdie pretkleure.

1 Pastelkleure op jou naels

Groen, geel en laventel in die sagste fluistering van sorbetskakerings lyk goed by ligte velkleure. Tesame met nuwe naelkleurformules wat ontwikkel is om ’n hoëglans- porseleinagtige afwerking te gee, het jy begeerlike vingerpunte.
China Glaze in Tart-y for the Party (R85) by www.maskscara.co.za of skakel 0861 846 873.

pastelle.png

2 Naels so wit soos sneeu

Wit naellak het sedert sy verskyning op die loopplanke eweveel byval gevind by blas as bleek beroemdes. Van Jennifer Lopez tot die aktrise Scarlett Johansson dra dié mode – en graag saam met wit uitrustings. Dit lyk vars en onskuldig, maar steeds gesofistikeerd. Michael Kors Nail Lacquer in Gossip (R215) slegs by uitgesoekte kettingwinkels.

wit_naels.jpg

3 Jel op jou naels

Laat doen jelnaels by ’n salon as langblywende kleur jou eerste oorweging is. Jelformules sal nie kraak nie of afskilfer nie.
Die model dra Maybelline Color Show Nail Lacquer in 651 Cool Blue (R39,95) by kettingwinkels. As jy van jelnaels hou, kies Gel-iT Electric Lemonade Turquoise 2 (R200 per aanwending) slegs by salonne.

jel_naels.jpg

4 Naels met ’n aksent

’n Aksentnael is ’n prettige manier om kostuumjuwele te dra en is soos ’n plaasvervanger vir ’n ring. Die idee is nie om jouself te bedruip met steentjies op elke vinger nie, maar om slegs een van die tien naels met ’n hart, skoenlapper of stermotief te verfraai.
Avon Speed Dry in Orange You Quick Y0443 (R87,95) by Avon-verteenwoordigers. Naelsieraad (R40) beskikbaar by www.maskscara.co.za of skakel 0861 846 873.

aksent.jpg

5 Hou jou naels kaal

Nie alle vroue is geseënd met slanke vingers, delikate kneukels en sterk naels nie. Die praktiese ding om te doen as jy jou hande ’n bietjie wil afrond, is om vleeskleur naellak te gebruik. Neutrale kleure vestig nie die aandag op hande wat voos gewerk is nie.
Essie Nails in 773 Brooch The Subject (R123) by apteke.

kaal_naels.jpg

6 Naels in kleur én geur

Seker nie almal sal daarvan hou as hulle vingers ruik soos laventelseep, Italiaanse leer of duur rooiwyn nie, maar ons is opgewonde oor die nuwigheid. Jou naels verkry ’n gesofistikeerde parfuumgeur sodra dit drooggeword het. Hierdie skakering is ook die ideale rooi vir die komende winter.
Revlon Parfumerie Scented Nail Enamel in Bordeaux 090 (R99,95) by kettingwinkels.

naels_in_kleur.jpg

Fotograaf: Tereza Cervinkova by Infidels. Manikuris: Lynette Joshua by Catwalk Hair, Nails & Skin. Tel: 011 453 4907. Modelle: Franine Hattingh en Chrisna Human. Produksie: Ryno Mulder