Kersfees Konsert

Aangebied deur Voelgoed Media!
KERSLIEDERE KONSERT
Musiek wat die hart raak, die Jesus-verhaal en sagte kerslig

Daar is min dinge wat ’n mens se hart so diep raak soos die klanke van Kersliedere.
’n Kerskonsert is ’n geliefde tradisie wat mense bymekaar bring om die ware gees van Kersfees te vier!
Jy word uitgenooi na Voelgoed Media se éérste Kersliedere Konsert, met musiek wat die hart raak, die Jesus-verhaal wat inspireer en sagte kerslig wat alles omvou in warmte en vrede!
Laat jouself meevoer deur die pragtige uitvoering van Kersliedere – van tradisionele Kersmusiek tot geliefde gunstelinge wat jou terugneem na jou kinderdae, familie en geloof.

KERSLIEDERE, BYBELVOORLESINGS EN STORIEVERTELLING
Elke lied word met sorg en liefde deur van ons land se mees geliefde kunstenaars soos Jannie Moolman, Germandt Geldenhuys en Nádine uitgevoer.
Tussen die musiek deur sal daar sielvolle voorlesings uit die Bybel en aangrypende storievertelling wees deur die skrywer en predikant Liesel Krause-Wiid, om ons te laat onthou waaroor Kersfees regtig gaan: liefde, hoop, vrede en familie.

Die Kersliedere Konsert onder leiding van die pianis en musiekregisseur Johan Kelber, is méér as net ’n konsert – dis ’n heilige hartservaring wat jou sal bybly lank nadat die laaste noot verdwyn het.

In die sagte lig van kerse, tussen die melodieë van geloof en vrede, word jy uitgenooi om te kom sit, te luister en te onthou …

SLEGS ÉÉN VERTONING!
* Deure maak 14:30 oop
* 15:00 tot 17:00 (2 ure)
* Geen pouse nie