Engele in verwondering

Halleluja
Sal die engele
Vir altyd sing
God bly groot!

Ja daagliks
Verkondig hulle die grootheid
En almag van God
En oe hulle geniet dit so

Kinders
Ek wens julle wou dit glo
Dat hulle geen aanmoediging
Van My of enige iemand anders benodig

Ja sien
Ek in My glorie is genoeg
Om hulle elke dag in verwondering te hou
Vir hulle om elke dag voor My te bly neerbuig

Elke dag sien hulle
‘n Ekstra ietsie van My mooi
En dan kan hulle nie glo
Was dit nog altyd daar

Ja My liefste kinders
Ek wil julle vra
Om rerig te begin glo
Dat Ek rerig so mooi is

Kinders van My hart
Kinders van vandag
Begin asseblief glo dat Ek ewig mooi is
Is dit nie waarvan die engele al deur die eeue getuig?

Kinders begin julleself afvra
Hoekom sal die engele
Voor God se Troon bly neerbuig
As daar nie iets is wat hulle opgewonde hou

Ja liefste kinders
Soos kindertjies om My Troon
So is die engele dikwels
In verwondering oor wie Ek in My grootheid is

Hulle raak nooit moeg nie sê Abba-God
En hulle sal ook nie
Want om My te bly ontdek
Bly vir hulle die lekkerste ooit

Kinders Ek wil julle vra
Om asseblief ook soos die engele
Voor My Troon te raak
Begin bereid wees om My in groot vreugde te ontdek

Dis maar al wat hulle elke dag doen
Hulle sê en vra net
Heer wys ons meer
Wie is U?

Dis vir My altyd so lekker
Sê Abba-Vader
Wanneer hulle dit bly doen
Want dan weet Ek dat hulle My ook bemin

Ja dit beteken altyd vir My baie
Baie, baie sê Abba-Vader
Wanneer die engele en My kinders op aarde kom
Net om voor My Troon te aanbid

Dit sê vir My dat julle glo
Ek is waardig
Dit sê vir My julle glo
Ek is die lewendige God

O kinders van My hart
Kom gerus nader
Nog ‘n bietjie
Ek wil jou meer van My wys.