Hoe kry ek mooi arms?

231

Met ’n klein bietjie tyd en inspanning is mooi, ferm gevormde boarms sommer in ’n japtrap binne enige vrou se bereik!

Die meeste van ons wil op pragtige somerdae koel toppies en kortbroeke aantrek en lekker op die strand baljaar, maar is te skaam oor ons bingo wings – daardie ekstra los velletjie wat onderaan jou boarms wapper.

Jou arms bestaan uit verskillende spiere wat saamwerk om jou in staat te stel om verskeie bewegings en take te verrig.

Wanneer jy hierdie spiere oefen, is dit belangrik dat jy verskillende bewegings verrig wat op elke deel van die arm gerig is.

As jy net een deel van die arm oefen, kan dit jou arms uit proporsie laat lyk.

’n Maklike oefenprogram waarmee jy kan begin en wat jy sommer by die huis kan volg, gebruik jou eie liggaamsgewig.

Doen tien opstote, onmiddellik gevolg deur tricep-vloerafsakke.

Doen dan weer 10 opstote, maar maak dit hierdie keer tricep-opstote: Plaas jou hande naby aan mekaar en jou elmboë parallel langs jou lyf gebuig.

Volg dan met 10 stoel-tricep-afsakke. Begin met twee stelle van hierdie oefeninge en vermeerder dit elke week.

Mettertyd kan jy gewiggies by jou program insluit en ’n groter verskeidenheid oefeninge doen om daardie spiere te aanhou stimuleer.

Marijke Cilliers, persoonlike afrigter

Kliek hier vir meer videos en artikels deur Marijke.

 

kry daai oe-la-la lyf Kry ’n Oe-la-la-lyf, aanlyn program
R99 R199
leesleerleef.co.za