Hoe om reuse te baklei

Jy is nie sterk genoeg vir die vyand en sy werke
Sonder My nie
Jy het My nodig liefste kind
Om die weg aan te dui

Besef jy dat Ek die wapens het
Waarmee jy hom vir goed kan wegjaag?
Dis die Water van My Woord
Die Bloed van My Seun en jy wat dit bely

Liefste kind
Hou asseblief op om hom te glo
In jouself is jy nie sterk genoeg
Jy alleen is geen kompetisie vir hom

Hoe dikwels wil hy hê jy moet dit glo
Jy het jouself hierin gekry
Jy kan jouself hieruit kry
Dit is net jy, dit is net jy alleen

Liefste kind hoe lieg hy vir jou
Dit is nie so, dit is nie waar
Hy het jou elke tree tot hier mislei en verlei
Nou nog doen hy dit met die leuens wat hy vir jou in jou ore vertel

Liefste kind
Asseblief hou op om hom te glo
Ek het nie gekom, vir jou gely
Om jou nou alleen te los

Vra My om jou te help
Liefste kind
Vra My om jou uit die donker gat te help
Moenie skaam wees daarvoor

Liefste kind Ek wil en Ek gaan
Sodra jy My vra
Dis al wat Ek nodig het
Dat jy jou vertroue en hulp in My plaas

Besef jy dat Ek vir jou sal baklei
Die oorwinning namens jou sal behaal?
Liefste kind dis wat Ek wil doen
Asseblief kom skuil net agter My

Sit My tussen jou en die vyand
Laat My toe om vir jou te baklei
Liefste kind sal jy
Dit is al wat Ek van jou vra

Is jy nog nie moeg nie vra Vader
Al die geswoeg en geskarrel
Om op jou eie bo te bly
Liefste kind is jy nie al moeg daarvoor nie?

Ek is lief vir jou liefste kind
Ek vergewe jou
Asseblief, asseblief kom
En laat toe dat Ek die reuse vir jou baklei.

Die twee versies kom by my op … Jesaja 43:2 en Psalm 50:15.

Vorige artikelVrees teenoor Geloof
Volgende artikelHy Het Berge Verskuif
Blogger - Letitia Pienewald
Letitia Pienewald is ‘n doodgewone mens wat die wonder van hartsintimiteit met God ontdek het en ander graag help om dit ook te vind. Daar was ‘n honger in my hart na meer van Jesus en toe vra ek Hom vir meer. So is die blogs King of Kings en Anker van Hoop gebore. Ek het begin om gediggies van God neer te skryf maar dis nou al veel meer. Dis ‘n voorreg om my pad saam met die Here met julle te deel. ‘n Gebed is dat my en jou bewondering vir God altyd nuut en vars sal bly. Verder is ek lief vir die lewe en so dankbaar vir genade en hoop, waarsonder ek nie kan nie.