Intimiteit met Jesus

Kinders sê Pappa-God
Kinders
Kan Ek vra
Begin My liewer kry

As jou hart kind
Nie van opgewondenheid klop
As jy My Naam hoor
Kind dan moet jy weet, jy kan nog nader beweeg

Dis altyd vir My so lekker sê Pappa
Kinders om julle naby aan My te hê
Soos die intensiewe vorms sê
Naby, nader, naaste 😉

Oe kinders
Dis waarlik hemel vir My
Hemel-verby
Om julle by My hartklop te hê

Het julle geweet
Liefste kinders
Dis waar My bruid se oor rus
Teen My bors

Dis die beste plek
Waar elkeen van My kinders kan wees
Teen My bors
Daar waar julle My hartklop kan hoor

Kinders
Sê Daddy-God
Dis daar
Dis daar waar ons twee waarlik een is

Kinders
Ek wil julle vra om te onthou
Hoeveel van My dissipels sê Daddy
Het teen My bors kom lê

Kinders
My liefste kinders
Selfs in My binnekring
Was daar slegs een wat waarlik geweet het hoe My hart klop

Kinders sê Daddy-God
Sy Naam was Johannes
Onthou julle hom
Ek wil julle so graag meer van hom vertel

Kinders
Asseblief
Asseblief sal julle by hom gaan leer
Hoe lyk ware intimiteit

Hy het geweet
Liefste kinders
Hy het geweet
Om My waarlik te ken moet hy My hartklop ken

Oe kinders sê Pappa-God
Dit is ware ken
Ware-ware ken
Is wanneer twee mense se hartkloppe een word

Het jy dit al ontdek kind
Weet jy hoe jou liefste Pappa-God
Se hart klop
Ken jy die Bruidegom se hart?

Ek wil jou nader nooi kind
Dieper, meer
Kom lê
Kom lê teen Pappa se hart

Geen groter vreugde kind
Sal jy ken
As om My naby te hê
Op ‘n plek waar Ek en jy alles met mekaar deel

Oe dis so mooi
Dis ware lekkerte
Kom kind, kom ontdek My
Asseblief soos wat Ek van jou vra

Doen dit nou kind
Doen dit gou
Moenie terughou
Kom gee als vir My.