Kom saam na die 2020 Passiespele

0
2380

Een keer in ‘n dekade vir die inwoners van Oberammergau, een keer in ‘n leeftyd vir reisigers. Moenie die mooiste Passiespel ter wêreld misloop nie.

FINESSE PASSIESPEL 2020
Oberammergau Duitsland, Tsjeggiese Republiek,
Slowakye, Hongarye, Oostenryk & Frankryk

Toerleiers | Siebert Wiid & Liesel Krause-Wiid
Vertrekdatum | 28 September 2020

In Oktober 2020 kan jy saam met Finesse die Passiespele in Duitsland beleef. Die storie van Jesus se kruisiging word aangrypend vertel deur die mense van Oberammergau self wat vir jare voorberei aan hierdie spesiale opvoering. Dis  ʼn organiese vertoning, met asemrowende kore, musiek en toneelspel. Dit sal jou hart raak en jou hoendervel gee. En ons glo dat dit jou met nuwe oë sal laat kyk na hoe lief God jou werklik het!

Liesel Krause-Wiid en haar man Siebert reis saam, en sal seker maak dat hierdie ʼn belegging is in jou geloofsreis. Na afloop van die Passiespele reis ons verder en verken ook die mooiste dele van Oos-Europa.

This slideshow requires JavaScript.

Van die hoogtepunte sluit in ʼn besoek aan die Mirabell-tuin, wat in die film The Sound of Music gesien kon word. In Regensburg gaan kyk ons na die eg Duits-Gotiese St. Petrus-katedraal en die gewilde Worskombuis, wat uit 1146 dateer. Dit is die oudste aaneenlopende openbare kookwinkel ter wêreld. In Praag bewonder ons die besienswaardighede saam met die plaaslike toergids, en in Wene besoek ons Die Hofburg, Staatsoperahuis, imperiale boulevards, en die indrukwekkende stadsaal. Jy sal moontlik ook tyd wil maak om ʼn Weense kafee te besoek om aan hulle unieke fyngebak te smul.

Daarna steek ons die grens oor na Slowakye om in Boedapest te oornag, waar jy die volgende dag genoeg vrye tyd sal hê om dié interessante stad te verken. Ons toer sluit af in Parys. Hier kan jy met die uitgebreide klim-op-klim-af-roete nege van die hoogtepunte verken, of jy kan bloot in die pragtige winkels ronddwaal, ʼn crêpe met sjokolade gevul by ʼn straatkafee koop of egte Franse uiesop bestel by Café de Paris.

Bespreek vroegtydig

Die kaartjies na die Passiespele is beperk en word altyd baie vinnig opgeraap. Maak dus seker jy bespreek vroegtydig vir hierdie toer wat plaasvind vanaf Maandag 28 September 2020 tot Vrydag 9 Oktober 2020 deur ʼn epos te stuur na Erina by ontvangs@carpediem.co.za. Sy sal vir jou die volledige reisprogram stuur en ook die besonderhede vir jou bespreking. Sodra jy die deposito van R15 000 betaal het, is jou plek verseker. Die volle toerbedrag is R39 980 per persoon wat deel en sluit vlugte, verblyf, ontbyt, sekere aandetes en jou kaartjie na die Passiespele in.

KLIEK HIER vir die volledige reisprogram.

LET WEL Die toerprys van R39,980 is per persoon wat ’n kamer deel. Hierdie tarief is in Februarie 2018 soos volg bereken: Vliegkaartjie R10 460 / Reis oorland R29 520. Wisselkoers word gedek tot R15,00 tot die euro. Plek is onderworpe aan beskikbaarheid tydens bespreking. Hoewel ons alles moontlik sal doen om ons berekende toerprys vir 2020 te behaal, is tariewe steeds onderworpe aan aanpassings indien nodig.