Die reünie!

Ons vaar vanaf Vrydag 28 Februarie tot Maandag 2 Maart 2020 van Durban na die Portugese Eiland.

In 2020 vier ons ’n dekade van Suid-Afrika se gewildste bootreis vir girls*! En dié keer gaan dit glansryker en groter pret wees as ooit tevore. Maak seker jy bespreek vroegtydig, anders kry jy dalk nie plek nie!

Die MSC Orchestra bied meer as ’n bootreis, dis ’n ervaring! Van die luukse interieur tot die topklasvermaak in die teater. En die kos! Gaste kan met aandete in ’n vyfsterrestaurant aan watertanddisse smul. Boonop verskil die spyskaarte elke aand, so, jy hoef nie twee aande agter mekaar dieselfde kos te eet nie. Alle etes is by die prys ingesluit, dus betaal jy net vir drankies en die egte Italiaanse roomys op die dek, maar dis elke sent werd!

PLUS!
Bespreek vóór 31 Augustus en 2 gelukkige lesers staan die kans om hulle kaartjiegeld terug te kry.

OM TE BESPREEK

Skakel MSC direk by 087 630 0333 en sê jy wil vir die Finesse bootreis bespreek.
Indien jy deur ’n reisagent bespreek sal jy moontlik nie deel wees van die Finesse groep nie.

Óf bespreek aanlyn, KLIEK HIER.
Maak seker jy kliek op die Finesse Cruise, anders gaan jy uitmis op belangrike kommunikasie.

As deel van die Finesse #NetGIRLS-pakket kry jy ’n T-hemp, geskenkpak en toegang tot ons kunstenaars se eksklusiewe vertonings.

Die musiekproduksie, Shine Bright Like A Diamond, word spesiaal deur Lindi en Wynand Delport geskep om jou ’n onvergeetlike musiekervaring te bied. Tarryn Lamb, Caroline Grace, Demi Lee Moore en Lindi self sal jou op ’n musikale reis van vreugde en verwondering neem. Vir daardie ekstra stukkie inspirasie sal Lynette Beer en Gretha Wiid ’n boodskap spesiaal vir die girls bring.

Onthou om volgens die tema aan te trek. Daar is ’n prys vir die dame met die skitterendste uitrusting by die Shine Bright Like A Diamond-produksie. Maar dit is nie al nie. Met aankoms wil ons sien watter girls al voorheen op ’n #NetGIRLS bootreis was. Trek enigeen van jou vorige bootreis se T-hemde aan, of almal! Saterdagaand is ons tema op die dek Geel Karnaval. In jou geskenksak sal jy ’n giggelgeel T-hemp kry wat jy in ’n karnavaluitrusting moet omskep.

Saterdag is eilanddag vir die girls! Dan sal ons ’n heerlike dag op die strand deurbring. Die strandterrein is baie goed ingerig met grasdakke, en daar is oral rusbanke en stoele. Die MSC-personeel bedien mengeldrankies by die kroeë. Vanaf 12:00 is daar ’n eilandete met geroosterde vis en hoender, vars slaaie en vrugte.
Epimax, ons hoofborg, is ook daar met fantastiese pryse en bederf-items. Vir die eerste keer gaan ons al die girls vra om om 11:30 in die see bymekaar te kom vir die massaseedans, wat ons op video wil vasvang.
PLUS !
Tim Theron is kaptein van die FINESSE-skip en sal sorg dat ons op koers bly met die program. Dowwe Dolla gaan weer saam om seker te maak ons lag dat die trane loop. Daar is immers geen beter terapie as lag nie! Juanli Theron sal ’n spesiale sessie aanbied om nuwe ma’s te bemoedig. Sy is een van die Naguilklubbloggers en verstaan hoe kleingoed jou lewe kan inkleur en omkrap.

KLIEK HIER vir #netGIRLS-bootreis 2019 foto’s

*Al die personeel op die skip is mans, en FINESS E waarborg nie dat daar geen mans op die skip sal wees nie.