Nuwe jy-bootcamp

REGISTREER NÓÚ

Tema - VERLOOR GEWIG, LYK JONGER, VOEL FANTASTIES!

Verveeld met dieselfde oefenprogram en eetplan? Het jy al elke moontlike dieet probeer, gewig verloor, net om dit dadelik weer op te tel? Wil jy graag meer selfvertroue hê, goed voel en pragtig lyk? As jy “ja” op enige van hierdie vrae geantwoord het, is die Slender Wonder Nuwe Jy–bootcamp met die tema “Verloor gewig, lyk jonger, voel fantasties!” vir jou!

KYK AANLYN!

Saterdag 30 Oktober | 08:00 – 13:00

R79 (ipv R99) per skerm

Indien jy nie op dié spesifieke tye kan inskakel nie, sal jy ’n REPLAY skakel ontvang om dit op jou EIE TYD binne ’n MAAND te kyk – maar jy moet nóú registreer!

Méér oor die Nuwe jy–bootcamp

Die somer is om die draai en as jy nog sukkel om van daardie ekstra wintervetjies ontslae te raak, het ons vir jou goeie nuus. Dis nie nodig om jouself te verwyt oor al daardie oortollige kalorieë wat jy ingeneem het om die winter draagliker te maak nie. In plaas daarvan om ’n kitsdieet te probeer of met ’n uitmergelende oefenprogram te begin, teken vanjaar se Nuwe Jy-bootcamp nou in jou dagboek aan. Met die regte veranderinge is jou doelwit vir gewigsverlies binne bereik! Kom leer by dieetkundiges, oefenkenners, skoonheidskenners, voorkomskonsultante en lewensafrigters en kry praktiese wenke vir jou beste lewe nog, van binne én buite …

Kenners se strategieë vir ’n gesonder en gelukkiger lewe

  • Is jy vasgevang in ’n eindelose siklus van ooreet, kitsdiëte en obsessiewe gedagtes oor kos? Leer meer oor voeding en eetplanne en kry selfs raad oor inkopielyste en resepte. — Minette Visser
  • Vind uit hoe om oefening deel van jou dag te maak en kry die beste oefenplanne vir fantastiese resultate sonder om ure in die gimnasium te swoeg. — Bianca van Rensburg
  • Kry ook raad oor hoe om ’n glansende, afgeronde voorkoms te kry, ongeag die seisoen of geleentheid. Met baie praktiese wenke en kortpaaie sal jy minder tyd voor die spieël deurbring en meer tyd hê om fantasties te lyk. — Riekie Smit
  • Om slimmer aan te trek kan jou figuur vlei sodat jy op jou beste lyk. Dis reg, jy kan fantasties lyk bloot deur klere in die regte styl, materiaal en kleur te dra, en te weet watter dele van jou lyf om te beklemtoon. As jy fantasties lyk, sal jy fantasties voel! — Sunet Vermaak
  • Die frustrasies en uitdagings van elke dag kan jou angstig en oorweldig laat voel. Lewensafrigters gaan eenvoudige, maar kragtige gewoontes met jou deel wat jy kan benut om die siklus van angs, stres, ongelukkigheid en uitputting te breek. — Catherine van Heerden

Word geïnspireer deur die Nuwe Jy-finaliste se sukses

Inspirerende stories van ons Nuwe jy-finaliste, wat deur middel van die Slender Wonder-eetplan gewig afgeskud en gesonde eetgewoontes aangeleer het, sal jou besiel. Vir die finaliste was gewigsverlies die mikpunt, maar deur die kweek van gesonde gewoontes het elkeen Jy word uitgenooi! soveel meer bereik. Hulle lewens is verander. Om maer te word, gaan beslis nie net oor daardie syfers op die skaal nie. Luister hoe hulle deur toewyding, vasberadenheid en danksy die motivering van hartsmense hulle doelwitte kon bereik en selfs oortref om gesonder, fikser en gelukkiger te leef.

Gratis oefenklasse, masserings, gesondheidstoetse en pret

Sit agteroor en geniet Placecol se komplimentêre masserings wat jou stres sal verminder en jou ontspanne en verfris sal laat voel. Besoek Dis-Chem se gesondheidskliniek vir gesondheidstoetse soos die meet van jou bloeddruk, bloedsuiker en cholesterol. Vind uit hoe vinnig of stadig jóú liggaam verouder en waarom. Klim ook op die Inner Body Scanner en leer meer van jou liggaam, soos jou totale liggaamsgewig in kilogram, vetpersentasie, beenmineraal-inhoud en biologiese ouderdom. Ons 5 kilometer pretstap is ’n jolige affêre waarin klaarmaak belangriker is as wen. Spring weg saam met René Roux, adjunk-uitvoerende hoof van Helpende Hand, en sweet vir ’n goeie doel. Gee jou verbeelding vrye teuels wat jou uitrusting betref, maar onthou jou tekkies! Vir ’n prettige, interessante dag saam met vroue wat soos jy dink, en vir hope selfvertroue om goed te voel, mooi te lyk en jou liggaamsdoelwitte te bereik, is die Nuwe Jy-bootcamp met die tema “Verloor gewig, lyk jonger, voel fantasties!” vir jou!

Sprekers

Ambassadeurs

Die Nuwe jy–bootcamp
word geborg deur
Slender Wonder en Créme Classique

NAVRAE

Stuur ‘n epos na [email protected]
of bel 016 018 0243 (Kantoorure)
V&A