Die Passiespel – ’n skouspel van emosie
Reis vanaf 24 September tot 7 Oktober 2022 saam met Finesse en LYNETTE BEER na Duitsland om die 2022 Passiespel in die pragtige klein Bavariese dorpie Oberammergau by te woon. Hierdie tragiese en aangrypende toneelstuk beeld die lyding, dood en opstanding van Jesus Christus uit.
Meer oor
Die Passiespel word slegs elke tien jaar in Oberammergau opgevoer. Kom beleef die onvergeetlike ervaring van ’n groot verhoog met dramatiese groeptonele, afgewissel deur musiek en die wonderlike sang van ’n massakoor.
Wat hierdie produksie uniek maak, is dat dit die wêreld se grootste amateurvertoning is, aangesien die ongeveer 2 000 deelnemers – akteurs, musikante, verhoogtegnici en so meer – inwoners van die dorpie moet wees.
Die Passiespel is nie maar net nog ’n toeristebestemming nie. Vir ’n gelowige is die vertoning iets wat jou hart aanraak en jou geloof verander en verdiep
Wanneer Jesus se opstanding uit die dood uitgebeeld word, jubel die kore. Dit voel kompleet of ’n stukkie hemel die aarde in daardie oomblik ontmoet.
Toerleiers
Reisprogram vanaf 24 September tot 7 Oktober 2022
Ons vertrek vanaf Johannesburg en land in Parys. Hier kan jy self besluit of jy die Eiffeltoring wil besoek of eerder na die Mona Lisa wil gaan kyk in die Louvre. Andersins kan jy in ʼn klassieke straatkafee gaan koffie drink en jou verwonder aan die Parysenaars. Ons oornag in Parys en vertrek na ontbyt na Colmar in die Franse platteland. Van daar besoek ons München, die hoofstad van Bavaria, met sy eeue-oue geboue en verskeie museums. München is veral bekend vir sy biersale, onder andere die Hofbräuhaus, wat in 1589 gestig is. Ons besoek ook die Marienplatz, stadsaal en klokkespel.
In Oberammergau is jy vry om die pragtige dorp op jou eie te verken. Die wêreldbekende Passiespel begin om 13:30 en die eerste deel van die toneel duur tot 16:00. Na aandete word die tweede deel van die toneel hervat.
Die bekoorlike stad Salzburg is bekend vir sy musikale erfenis. Ons wandel deur die Mirabell-tuin van die film The Sound of Music, stap oor die Salzach-rivier en verken die ou stad asook die imposante Domkerk-plein en “Getreidegasse”, die smal straatjie waar Mozart in 1756 gebore is.
Dan reis ons na die Tsjeggiese Republiek se lewendige hoofstad, Praag, propvol antieke en moderne geskiedenis. Op die roete besoek ons ook die kasteel van Hluboká, bekend as die “Windsor”-kasteel. Dit is een van die mooiste kastele in die Tsjeggiese Republiek. Dié dertiende-eeuse skat is naby die stad České Budějovice geleë.
In Praag besoek ons die Sint Vitus-katedraal in die duisendjaaroue Praagse kasteel. In die stadsplein kan jy die groot horlosie met sy astronomiese uurwerk besigtig.
Deur ’n welige landskap op pad na Bratislawa, besoek ons die Presidensiële paleis en ouwêreldse oudorp.
Wene is ’n dinamiese stad met ’n luisterryke keiserlike erfenis. ’n Plaaslike gids stel ons aan verskeie bakens, soos die Hofburgpaleis, die Staatsoperahuis, die Imperial boulevard en die imposante stadsaal bekend.
Budapest is ’n romantiese stad aan die wes-en oosoewer van die Donaurivier.
Besienswaardighede sluit die Vissersbastion, die Heldeplein en die St. Matthias-kerk in.
Vroegmiddag vertrek ons na die lughawe vir die terugvlug na Johannesburg.
Registrasievorm
*Deur jou besonderhede te stuur aan voelgoed.co.za aanvaar jy die B’s en V’s. ( Privacy Policy and Notice – Voelgoed)
Stargate International groeptoer operateurs besonderhede:
Bankbesonderhede:
STARGATE INTERNATIONAL, ABSA Bank, Eastlands – tjekrekening
Takkode: 632005 Rekening Nommer: 1022810355
Kontakbesonderhede:
TEL: 011 918-7567 / 918-7612
FAKS: 011 918-7632
