Soeker

“The dwelling of God within us is a continuous proof that He lives,
that He works, that He loves.
We know what God is now
by what God is now doing
in our hearts & lives.”

“The fact that we are here now,
is proof that God is good to us now.”

U sê dat die wat na U soek, U sal vind.

Ek soek na U God, my God, ek dors na U God
Soos onse Katie na die hoeveelste bal-gaan-haal
wil ek U gretig opslurp,
my lippe laat drup met dit
wat van U alleen
af kom.

In die skaduwees van my dae loop soek ek U ook.
Soms wil die donker wat daarin wegkruip my oorreed
dat U net skaduwees strooi
en dan wegstap.
Maar ek weet dis ‘n jok.
Die skaduwees behoort ook aan U,
en U self bepaal tot waar hulle laatskemering vingers mag strek.

In die eensaamheid van siekte loop gryp ek my
graaf en pik,
vasbeslote om U daarin te ontbloot.
Soms hou ek halfpad op.
Te moeg, skat ek.
Soms dalk te bang my opgrawing
wys net mooi niks
van waarde
nie.

Dan herinner U my weer:
Die wat na My soek, sál My vind.

Moenie bang wees om na My
binne-in jou
te gaan soek nie.
Van jou eerste wedergeboorte asemsnak,
tot jou laaste afskeidsdag,
sal Ek woning maak in jou.

In jou blyste blydskap
en jou seerste seer
is Ek daar.
In jou ligste lig
en jou scary’ste skaduwee,
bly dit waar.

Nooit sal die dinge van hierdie wêreld jou van My skei nie.
Al moet jy gaan grou tussen die flenters van
wêreldstede waar die wat gaan waar Ek gaan
skaars geword het,
soos saffraan.

Tussen dit alles, sál jy My vind.
Ek is jou Pa.
Jy is my kind.

Jou temalied vir die week:
Not afraid

Vorige artikel’n Betrokke pa het gelukkige kinders
Volgende artikelJe-Ani Swiegelaar: Wat ek geleer het…
Blogger - Maxie Heppell
Vir baie lank het my lewe nie regtig rigting gehad nie. 'n Gekompliseerde kindertyd, verkeerde keuses en dan die ongelukkige gevolge daarvan, het my gevange gehou. Tot daardie dag dat die Here Sy kind uit die modder opgetel en haar voete stewig op Vaste Rots laat land het. Psalm 40 bly tot vandag toe 'n groot favourite! Dit het my baie jare geneem om uit te kom by dit wat Hy nog altyd vir my lewe bedoel het. Maar nou is ek hier. En ek glo in God Drie-Enig, in die maagdelike geboorte, in Jesus aan 'n kruis, maar meer nog - aan die opgestane Jesus in my eie lewe. Ek glo dat Hy ons weer gaan kom haal en dat ek tot dan die Heilige Gees het wat my lei en my denke help vernuwe. In 2009 behaal ek my B.Th graad in teologie en sedertdien preek ek, praat ek en deel ek oral waar ek genooi word. Ek en my eerste liefde en ons langhaar-vierbeen meisiekinders bly tans op Jeffreysbaai in die Oos-Kaap en ons getuig gereeld: Die Here is nie net goed vir ons nie, Hy bederf vir ons!