Swaar word soet

Dis so swaar
Om aardse laste te dra
Dis dikwels so moeilik
Net om kop bo water te hou

Tog hoor ek so so gereeld
Die woorde van ons Abba-Vader
Wat sê
Kind vertrou My

Oe kind van Pappa
Ek weet
Ek weet dis dikwels so swaar
As dit voel asof jy dit net nie regkry

Oe kind van God
Ek weet, Ek weet
Dis swaar om na My te bly kyk
As daar soveel disruptions is wat jou aandag aftrek

Oe kinders sê Daddy-God
Julle moet na My bly kyk
Deur die sukkel en swaar
Deur die moeilik regkry

Ek wil vandag net vir julle sê
Kind van Abba-God
Julle moet aanhou na Bo kyk
Julle moet vertrou dat Ek van beter weet

Daddy se kinders
Kinders van My hart
Asseblief kom luister vir My
Daar is iets gouds wat Ek met julle wil deel

Kinders sê Daddy
Asseblief
Julle moet My bly vertrou
Selfs as dit baie donker om jou is

Sien sê Daddy-God
Veral dan
Veral dan liefste kinders
Veral dan

Moet nooit opgee nie
Sê Daddy-God
Op die moedeloses onder julle
Nee liefste kinders, moenie

Hulle het nog nie geleer liefste kinders
Dit wat Ek vir julle kon leer
Daarom moet julle altyd bly sê
Daar is hoop

Ja liefste kinders
Sê Abba-God
Laat toe dat Ek julle wys en leer
Daar is altyd hoop

Die wat moedeloos is van hart
Kinders
Kyk op
Asseblief kyk op

Ek weet dis dikwels swaar
Kinders Ek weet
Julle wil dikwels nie eers julle kop oplig
Maar kinders probeer

Ja liefste kinders
Daddy is groter
Dis hoe julle dit regkry
As julle dit glo

Julle moet asseblief
Nooit opgee op My
Nee kinders asseblief
Dit hoort nie so

Solank as wat Ek
Julle hoop is in die lewe
Kinders sal daar
Altyd hoop wees vir julle

Julle sal nooit kinders
Hoop-verlore wees
As julle vir My bly kyk
As julle bly glo dat Ek in beheer is.