Fliek-aand

Fliek in pajamas

Kry jou vriendinne bymekaar, trek julle pajamas aan en geniet Ryan Gosling en Margot Robbie se kleurvolle komedie Barbie tydens Voelgoed Media en PharmaForce se fliek-aand.

Dae

Ure

Minute

Sekondes

Bekendes

Demi Lee Moore, Angelique Gerber en ander bekendes

Nestlé L’Atelier-sjokolade

In jou geskenkpak

Springmielies

In jou geskenkpak

Fliek in pajamas

Kan jy onthou hoe jy as klein meisietjie vir ure lank met jou Barbie gespeel het? Jy het haar aangetrek en haar lang blonde hare gekam asof dit van sy gemaak is. Later het Ken en ’n hele string ander Barbies bygekom en jou ma moes honderde rande bestee aan jou Barbie-versameling.

Die fliek Barbie speel af in Barbieland, ’n pragtige, perfekte, kleurvolle dorpie. Ryan Gosling wat die rol van Ken vertolk, is mal oor Barbie, oftewel Margot Robbie, hoewel sy ’n bietjie te eksentriek is en nie heeltemal inpas nie.

Uiteindelik word Barbie uit Barbieland geskop omdat sy nie perfek genoeg is nie. Dan gaan sy op ’n avontuur saam met Ken na die “regte wêreld”. Sy kom tot die besef dat die sleutel tot geluk in jouself lê, vry van die strewe na perfeksie en onbereikbare volmaaktheid …

Fliek in pajamas

Fliek-aand

Die kleurvolle rolprent Barbie beloof om nie net die nostalgie terug te bring nie, maar ook om jou lekker te laat lag en ’n bietjie te laat dink oor die lewe!

Kry jou vriendinne bymekaar, en as jy ’n dogter ouer as 13 het, bring haar gerus saam. Of elkeen in haar eie pajamas of onesie opdaag en of julle groep dieselfde slaapdrag dra, maak seker almal is reg vir ’n foto!

Ná die fliekaand laai ons die prettigste foto’s op sosiale media met die hutsmerk #FliekInPajamas. Die foto’s met die meeste “likes” staan ’n kans om groot pryse te wen.

In die voorportaal word jy verwelkom deur jou gunstelingbekendes soos Demi Lee Moore, Angelique Gerber, Mandi Baard, Andriëtte Norman, Tracey Lange, Benice Borman, Yolanda Maartens en Cathy de Lange.

Kom kyk ook hoe lyk Venessa Schoeman en medewerkers soos Rhona Erasmus, Kayla Wagg, Minette Visser en Serhani Symingtonin in hulle pajamas!

Die geleentheid begin om 16:30, met die filmvertoning om 17:30. Benewens dat julle bederf word met die fliek Barbie is daar ook vir elkeen ’n geskenkpak met Finesse Voelgoed Tydskrif, springmielies, Nestlé L’Atelier-sjokolade, reg-om-te-drink Hydrolec van Pharmaforce, afslagbewyse en vele meer om na uit te sien.