Kalender

Kalender

24 Junie

Finesse en Laeveld Agrochem se MansGenoeg! manne-aand kom vir die eerste keer ooit landswyd na mans toe! ’n Twee uur lange AANLYN manne-aand met die tema Man na God se hart. Kyk aanlyn op Woensdag, 24 Junie wanneer mans (én seuns) by mentors soos Frank Rautenbach, Jannie Putter, Wouter Snyman en Dewald Gouws gaan leer hoe om godvresende mans te wees by die huis, by die kerk, by die werk en in die gemeenskap.

9 Julie

Susan Coetzer WEBINAAR

Skreeusnaakse wenke oor die verskille tussen mans en vroue en verskillende tipe vroue. Jy word aangemoedig om uit te rys tot die beste weergawe van jouself – of jy nou koekerig of terterig of iets tussenin is. Nie een van ons is volmaak nie; daar is altyd ruimte vir groei. Daar is so baie verskillende koeke en terte en koekies en happies… vind uit watter een jy is.

25 Julie en 22 Augustus

Om ’n werkende ma te wees, is nie maklik nie. Jy is voltyds ma, voltyds werker, voltyds vrou. Finesse se bederfdag saam met goeie vriendinne is nét wat jy nodig het om die skuldgevoel van werkende ma af te skud!

30 Julie

Lynette Beer WEBINAAR

Wonder jy waarom jou kind nie optree soos wat jy graag wil hê hy of sy moet nie? Waarom die een luidrugtig, praterig en voortdurend op soek is na pret, terwyl die ander een vredeliewend, rustig en ‘n plesier is om groot te maak? Wanneer jy weet hoe om in die temperament van jou kind in te praat gaan daar ‘n nuwe wêreld vir jou asook jou kind oop.

10 September

Isak Burger WEBINAAR

Die dood is deel van die lewe. ’n Werklikheid wat jou seermaak, maar ook die begin is van alles wat hierna gebeur. Is elkeen se sterfdatum vooruitbepaal? Wat gebeur net voor jy jou laaste asem uitblaas? Hoe lyk die hel en moet gelowiges bang wees om daar te beland? Kry nuwe waardering vir die voorreg van voluit lewe met ’n uitsig op heerlike dinge wat vir jou wag!

29 Augustus tot 2 September

Kyk blomme in Namakwaland

Luukse bustoere, ’n toergids, drie nagte by Namaqua Lodge en etes (soos aangedui) is ingesluit. Bederf iemand spesiaal met hierdie ervaring wat julle altyd sal onthou en krag sal gee om die laaste skof van die jaar met energie aan te pak.

21 September tot 1 Oktober 2020

Sien, hoor en voel die Passiespel

Een keer in ‘n dekade vir die inwoners van Oberammergau, een keer in ‘n leeftyd vir reisigers. Moenie die mooiste Passiespel ter wêreld misloop nie.

23-25 Oktober | 6-8 November

Voelgoed Retreats by Kasteelkop Gasteplaas

Wanneer jy moeg en oorlaai voel, is dit moeilik om jou lewensdoel raak te sien. Ontdek jouself by ’n Voelgoed Retreat by die lieflike Kasteelkop Gasteplaas, en kry jou woema terug!

12 November

Stephan Joubert WEBINAAR

Dis tyd om radikaal ánders oor Jesus te dink, dan sal daar ook nuut oor die kerk gedink kan word. Christene het so baie van ‘n kerklike kultuur gemaak en die evangelie so aangepas dat Christus op die agtergrond geskuif is. Jy word uitgedaag om anders oor die Messias te dink as dat dit net beteken om kerk toe te gaan, geld te gee en goed te doen.

30 November - 4 Desember 2020

#NetMATRIEKS-BOOTREIS

Aan boord van die skip is daar hope geleenthede om saam met vriende te kuier, te swem of in die son te lê en bak.
Met soveel kos as wat jy kan eet en ’n groot verskeidenheid vermaak, is die #netMATRIEKS-bootreis die mees bekostigbare vakansie nog!

12 - 15 Maart 2021

#netGIRLS Epimax bootreis 2021

Riana Nel, Demi Lee Moore, Lizz Meiring & die Flooze vaar saam met ons op die luukse MSC Musica,, vanaf Durban na die Portugese Eiland vanaf 12 – 15 Maart. Kom kuier saam!

September 2021 se skoolvakansie

#Bybeltoer 2021

“Die See van Galilea lê om my uitgestrek. Ons vaar op ’n klein houtbootjie en die klam bries waai my krulle liggies oor my wang. Dit is asof hierdie iets meer vir my wil sê”, sê Karmen Wiid ná Finesse se Bybeltoer na Israel.

Vorige

6 Junie

Finesse en Finbond se Vroue wat Glo-retreat kom vir die eerste keer ooit na jou toe! ‘n Twee uur lange E-RETREAT met die tema Vry, vrolik en bly! Kyk aanlyn op Saterdag, 6 Junie wanneer ons by geloofsvroue soos Liesel Krause-Wiid, Lindie Strydom, Lynette Beer en ander gaan leer hoe om hoopvol te bly, selfs al kan jy nie oor jou omstandighede juig nie.

13 Mei 2020

Wouter Snyman WEBINAAR

Dis tyd om anders oor jou finansies te dink as jy vir die einde van elke maand leef, wonder hoe jy eendag met gemak sal kan aftree, jou ouers of die regering vir jou finansiële situasie blameer én twyfel of jy ooit skuldvry sal wees.

23 April 2020

LYNETTE BEER WEBINAAR

Mense verskil. Elkeen dink anders, doen anders en het ’n ander siening van pret, stres, besluitneming of hoe om dinge gedoen te kry. Stel jou voor hoe suksesvoller en gelukkiger ons sal wees as ons die insig het om onsself en ander te verstaan!