[OUDIO] Jou slapeloosheid is God se gesels-tyd

Ly jy soms aan slapeloosheid? Dit is die ideale geleentheid om tyd naby aan jou Skepper te spandeer. Sonder enige geraas of afleidings. Net jy en God. 

Slapeloosheid word nie altyd net deur bekommernis of een of ander emosionele konsternasie veroorsaak nie.

Miskien is jy opgewonde oor iets wat die volgende dag moet gebeur. Dalk is dit jou man se gesnork wat jou nagrus versteur. Of dalk het jy wakker geword om die badkamer te gebruik en nou kan jy nie weer aan die slaap raak nie.

Wat die rede ook al is, daar lê jy nou in die bed en wag tevergeefs om in te sluimer. Jy kan die televisie aanskakel of aanlyn raad soek vir jou slapeloosheid …

Maar het jy al ooit daaraan gedink dat dit miskien God se manier is om iewers in jou besige skedule ’n bietjie kwaliteit-tyd saam met jou te kry? Hy wil met ons praat as ons stil en rustig is.

Ons dae is egter dikwels so vol en gejaagd dat ons nie Sy stem kan hoor nie, selfs al probeer ons om stil te ...