Oor ons

Finesse tydskrif vier 25 jaar!

Vir 25 jaar is Finesse ’n integrale deel van Afrikaanse Christenvroue se menswees. Die laaste jaar of wat het lesers ons leer ken as Finesse Voelgoed Tydskrif.

Ons het oor die jaar vele nuwe baadjies aangetrek en spog deesdae met verskeie webblaaie, inspirerende funksies, podsendings, interessante webinare, ’n aanlyn TV-program, en verskeie inisiatiewe soos bootreise, toere en produkte.

“Stagneer” is nie ’n woord wat deel is van Finesse Voelgoed Tydskrif se woordeskat nie. Dit is noodsaaklik om ’n handelsmerk te ontwikkel en te groei. Soms beteken dit selfs om jou naam te verander. Dit vra toewyding, vasberadenheid … en ’n geloofsprong!

Méér as net ’n tydskrif, dis ’n leefstyl!

’n Handelsmerk is meer as net ’n logo. Dit is onder meer ook ’n identiteit, waardes en ’n doel.

Ons nuwe handelsmerk, Voelgoed, verteenwoordig ’n leefstyl! Om goed te voel … oor jouself en jou geloof, jou huwelik, ouerskap, gesondheid, skoonheid, sukses en méér.

Een ding bly konstant: Ons missie is om jóú as Christenvrou in te lig, te verryk en te inspireer!

Voelgoed – ons nuwe handelsmerk!

Die manier waarop mense leef, speel en werk het vir goed verander. Voelgoed omhels dié nuwe wêreld.

Ná 25 jaar is dit vir ons die begin van ’n opwindende, nuwe fase …

Voelgoed is ...

... ’n webblad wat jou aanlyn bron vir inspirasie is

Daar is beslis nie ’n tekort aan nuus nie. “Tog voel dit asof alles wat ons sien en hoor, negatief is,” sê Venessa Schoeman, Voelgoed Media se handelsmerkdirekteur.

Maar daar is goeie nuus … Voelgoed se webblad is jóú aanlyn bron vir inspirasie!

Jy kan eksklusiewe stories lees, video’s kyk, na podsendings luister, en meer uitvind oor ons webinare, funksies en reisklub.

Ons nooi jou uit om na ons nuwe webblad te kom loer. Dit kan dalk net jou lewe verander!

Voelgoed is ... ... ’n webblad wat jou aanlyn bron vir inspirasie is
Voelgoed LIVE

Voelgoed is ...

... aanlyn TV wat met jou hart praat

Die aanlyn TV-program Voelgoed LIVE word elke tweede Woensdag om 20:00 op die Voelgoed-webblad, Facebook LIVE en YouTube uitgesaai.

In elke episode kan jy uitsien na jou gunstelingbekende, inspirerende mense, raad om probleme te oorkom, wenke vir ’n mooier voorkoms, en méér.

Jy wil ook nie ons gereelde insetsels misloop nie … JOU GELOOF deur Liesel Krause-Wiid en Karien Basson, en VOL KLEUR deur die verhoudingskenner Lynette Beer.

Om op die hoogte te bly met die programskedule, sluit jou aan by Voelgoed LIVE se Facebook-groep.

Voelgoed is ...

... aanlyn leer wat fokus op wié jy is

Voelgoed-Leer is ’n aanlyn leerplatform wat op selfontwikkeling fokus.

Ons gee om wié jy is, nie net hoe jy lyk nie!

Die aanlyn kursusse word almal deur kundiges aangebied. Anders as baie ander kursusse, word dit in korter lesse verdeel. Jy leer baie in net 10 of 15 minute op ’n slag.

Al die video’s en oudio’s is boeiend, en talentvolle aanbieders maak die kyk en luister dubbeld so betekenisvol. Die vaardighede wat jy aanleer, help om alle areas van jou lewe te verbeter!

Voelgoed is ... ... aanlyn leer wat fokus op wié jy is
#VoelgoedVideo #VoelgoedOudio

Voelgoed is ...

... video en oudio wat jou leer oor verskillende onderwerpe

Dis moeilik om by te hou, nuwe vaardighede te bemeester of saam te praat oor die nuutste neigings as jy nie kans kry vir lees nie.

Jy kan egter steeds aanhou groei deur aanlyn video’s te kyk of oudio’s te luister – 24/7 – net wanneer dit jou pas.

Voelgoed se video’s en oudio’s, met bedrewe aanbieders aan die woord, is propvol inspirasie wat jou anders sal laat dink en meer sal leer oor ’n verskeidenheid onderwerpe.

Voelgoed is ...

... podsendings wat jou laat goed voel

Die meeste vroue het min tyd en ’n besige program. Podsendings maak dit maklik!

Terwyl jy die kinders rondry, oefen, kosmaak of inkopies doen, kan jy steeds luister. Dit is waarom Voelgoed se weeklikse podsendings so ’n gewilde alternatief is.

Die podsendings wat elke tweede Vrydag om 13:00 op die Voelgoed-webblad én Spotify uitgesaai word, sluit in Lynette Beer (#SkoolVanDieLewe), Reandi Grey (#DieLeweOp30) en Rhona Erasmus (#WerkendeWondervrou).

As jy nog nie ingeskakel het vir ons weeklikse podsending-uur nie, maak jouself reg vir jou nuutste obsessie!

Voelgoed is ... ... podsendings wat jou laat goed voel
Voelgoed is ... MentorMaandag

Voelgoed is ...

... lewensafrigting wat jou persoonlik laat groei

Staan jy elke oggend op en dink daar moet iets beter wees?

Voelgoed se mentors soos Serahni Symington, Gretha Wiid, Jannie Putter en Minette Visser, se artikels, video’s en oudio’s is hier om jou te help – jy kan hulle vertrou om saam met jou die pad te stap!

Plus, MentorMaandag se gratis lewensafrigting sal jou help om jou omstandighede te verstaan, probleme te oorkom en doelwitte te bereik.

Dit word elke tweede Maandag om 20:00 regstreeks op Facebook Live, Instagram Live en YouTube aangebied.

Voelgoed is ...

... geloofsinhoud om jou dag met God te begin

Kry elke Sondag geloofsinhoud vir jou week – om te lees, te luister én te kyk op jou selfoon, tablet of rekenaar.

SondagStilword is gratis, én sluit in dagstukkies, oudio’s, video’s en méér.

Jy kan op ’n Sondag wegtrek deur te luister na Karien Basson se oudio oor regte vroue, regte geloof.

Vir elke oggend van die week kry jy ’n dagstukkie wat jy gedurende jou stiltetyd kan lees.

Om jou week af te sluit, kan jy kyk na ’n video deur jou gunstelingpredikant Liesel Krause-Wiid.

Voelgoed is ... geloofsinhoud om jou dag met God te begin
Voelgoed is ... WebinaarWoensdag

Voelgoed is ...

... webinare wat jou leer en motiveer

Voelgoed se webinare wil vroue leer en motiveer om positiewe veranderinge in hulle lewens te maak!

Dit word aanlyn aangebied en fokus op ’n verskeidenheid van onderwerpe soos selfontwikkeling, geloof, huwelik en ouerskap.

Ons webinare word een keer ’n maand op ’n Woensdag om 20:00, regstreeks op YouTube uitgesaai.

Die beste van alles, dis gratis, maar jy moet jou registreer!

Elke webinaar eindig met ’n geleentheid waar die aanbieder vrae beantwoord waaroor almal wonder …

Voelgoed is ...

... funksies wat jou vermaak en inspireer

Jy word uitgenooi om Voelgoed se funksies soos die EkwilEkkanEksal-konferensie, Vroue wat glo-retreat en Nuwe jy LIVE by te woon.

Ons funksies is bekend daarvoor om vroue te vermaak én te inspireer met topklassprekers, paneelbesprekings en ’n netwerkgeleentheid om gemotiveer daar weg te stap!

As jy nie ons funksies in persoon by Moreleta Kerk, Moreletapark óf by NG Kerk Vredelust, Bellville kan bywoon nie, kan jy jou registreer om toegang tot die video- en oudio-opnames te kry om op jou eie tyd te kyk of te luister.

Voelgoed is ... ... funksies wat jou vermaak en inspireer
Voelgoed is ... Reisklub

Voelgoed is ...

... reise wat ’n glimlag op jou gesig laat

Voelgoed se jaarlikse #GIRLS-bootreis in Maart is méér as net ’n bootreis.

Oornag in luukse kajuite, kuier op die dek, baljaar in die swembad óf bederf jouself met ’n sonbed of spa-behandeling.

Saterdag is eilanddag en ’n tropiese eiland met goue strande en mengeldrankies wag.

Beleef topklasvermaak deur gewilde sangers, kuier saam én word geïnspireer deur geliefde sprekers.

Die Matriek-bootreis is elke matrikulant se droomvakansie!

Op die koop toe is dit bekostigbaar, veilig en bied dit vir ma’s ook meer gemoedsrus.

Voelgoed is ...

... liefdadigheid teenoor minderbevoorregtes

Goeie dade maak saak, want dit wys God se liefde en genade vir mense!

“Ons (is) splinternuwe mense wat gemaak is om al daardie goeie dade te doen wat God vooruit beplan het vir ons om te doen” (Efesiërs 2:10, DNNT).

Doen Goed is Voelgoed se inisiatief om aandag, tyd en geld aan liefdadigheid te skenk.

Ons vat graag hande met ’n organisasie soos Helpende Hand, wat ’n daadwerklike verskil in die gemeenskap maak.

Voelgoed is ... ... liefdadigheid teenoor minderbevoorregtes

Ons Span

Venessa Schoeman

Venessa Schoeman

Handelsmerkdirekteur
Lerize Jansen van Rensburg

Lerize Jansen van Rensburg

Produksie
Bianca Marais

Bianca Marais

Promosieredakteur
Chanté Schoeman

Chanté Schoeman

Funksies, Skakelwerk en Doen Goed
JC Schoeman

JC Schoeman

Besigheidsontwikkeling en Vennote
Diana-Weber

Diana Weber

Sosiale Media
Ella Lessing

Ella Lessing

Sosiale Media
Elanie vd Westhuizen

Elanie vd Westhuizen

Junior Web Spesialis
Scroll to Top

Wen jou deel van R25 000 in samewerking met Voelgoed en Virseker!