Webinare

Webinare
Vorige webinare

12 November

JESUS SOOS JY HOM NOG NOOIT GEKEN HET NIE…

Dis tyd om radikaal ánders oor Jesus te dink, dan sal daar ook nuut oor die kerk gedink kan word. Christene het so baie van ‘n kerklike kultuur gemaak en die evangelie so aangepas dat Christus op die agtergrond geskuif is. Jy word uitgedaag om anders oor die Messias te dink as dat dit net beteken om kerk toe te gaan, geld te gee en goed te doen.

17 September

DIE EERSTE 5 MINUTE NÁ DIE DOOD

Die dood is deel van die lewe. ’n Werklikheid wat jou seermaak, maar ook die begin is van alles wat hierna gebeur. Is elkeen se sterfdatum vooruitbepaal? Wat gebeur net voor jy jou laaste asem uitblaas? Hoe lyk die hel en moet gelowiges bang wees om daar te beland? Kry nuwe waardering vir die voorreg van voluit lewe met ’n uitsig op heerlike dinge wat vir jou wag!

29 AUGUSTUS

UNSTUCK-webinaar

Voel jy geskok, bang en angstig oor die reuse ontwrigting en verandering wat jou tans in die gesig staar?

Verandering is ’n onvermydelike deel van die lewe. Dit gebeur met almal. As jy nie bereid is om daarby aan te pas nie, kan jy nie gelukkig wees nie.

Om vasgevang te word in ‘n groef is maklik, maar dis jóú keuse of jy daar gaan bly of nie.

Is jy gereed om uit die groef te kom en weer te begin lééf?

12 Augustus

LIEFDE, DROME EN DOELWITTE

Voel jou drome onbereikbaar? Dink jy liefde bestaan slegs in gedigte? Die liefdeswêreld van vandag se jongmense is onseker en wispelturig. Hoe balanseer mens dan iets wat jy self nog nie heeltemal verstaan nie, met jou doelwitte en toekomsdrome? Waar pas liefde vir die self in en hoe reflekteer hierdie dinge van die hart in jou strewe na ‘n droom loopbaan?

30 Julie

WEET WIÉ JOU KIND IS (en verstaan mekaar beter)

Wonder jy waarom jou kind nie optree soos wat jy graag wil hê hy of sy moet nie? Waarom die een luidrugtig, praterig en voortdurend op soek is na pret, terwyl die ander een vredeliewend, rustig en ‘n plesier is om groot te maak? Wanneer jy weet hoe om in die temperament van jou kind in te praat gaan daar ‘n nuwe wêreld vir jou asook jou kind oop.

9 Julie

KOEKE EN TERTE AANVAAR MEKAAR SE UNIEKHEID

Skreeusnaakse wenke oor die verskille tussen mans en vroue en verskillende tipe vroue. Jy word aangemoedig om uit te rys tot die beste weergawe van jouself – of jy nou koekerig of terterig of iets tussenin is. Nie een van ons is volmaak nie; daar is altyd ruimte vir groei. Daar is so baie verskillende koeke en terte en koekies en happies… vind uit watter een jy is.

13 Mei 2020

Werk slimmer met jou geld!

Dis tyd om anders oor jou finansies te dink as jy vir die einde van elke maand leef, wonder hoe jy eendag met gemak sal kan aftree, jou ouers of die regering vir jou finansiële situasie blameer én twyfel of jy ooit skuldvry sal wees.

23 April 2020

Weet wie jý is en verstaan ander mense beter

Mense verskil. Elkeen dink anders, doen anders en het ’n ander siening van pret, stres, besluitneming of hoe om dinge gedoen te kry. Stel jou voor hoe suksesvoller en gelukkiger ons sal wees as ons die insig het om onsself en ander te verstaan!