[OUDIO] Onthou, kinders moet ook dissipels word

Ons werk as gelowiges is om dissipels op aarde bymekaar te maak. Deur die regte dissipline maak ons kinders groot met Jesus in hulle harte. 

Ouers gaan nooit al die antwoorde hê nie. Ouerskap bly ’n reis sonder ’n spesifieke bestemming. Ekself moes baie dinge regstel in my idee van ouerskap.

Ons groei heeltyd. Ek as ma het nie altyd die ding onder die knie nie. Maar ons Almagtige God het iets aan my geopenbaar wat my nuwe perspektief gegee het.

Soos die meeste Afrikaanssprekendes was my ouers streng. Hulle het seker gemaak ons ken ons maniere en sal net gesien en nie gehoor word nie. ’n Tantrum was onaanvaarbaar en die woorde “niemand het jou opinie gevra nie” baie algemeen. Klink dit bekend?

Skielik is dit dekades later en nou is ek self ’n ma wat haar lieflike kinders met die beste intensies grootmaak. Hierdie twee siele is aan my geleen en my verantwoordelikheid as ma is baie ernstig. Natuurlik wil ek die beste doen vir hulle.

My kinders moet Jesus ken, en Hom kies sodat hulle die ewigheid saam met Hom ...