[OUDIO] Slaaie en bykosse maak lekker nog lekkerder

Vanaf klassieke tye is rou groente met olie, asyn en sout geëet. Om gereeld slaai te eet, is ’n ou gesonde eetgewoonte, maar goeie keuses moet gemaak word. 

Beplan jou spyskaarte en inkopielys voordat jy gaan inkopies doen. Die groot verskeidenheid groente en vrugte wat beskikbaar is, maak gesond eet makliker. Wees versigtig om lekkernye in jou trollie te laai.

Koop goeie kwaliteit bestanddele wat in die seisoen beskikbaar is.

Berg vars groente in verseëlde houers in die yskas om voedingswaarde te behou. Maar probeer om vars produkte so gou as moontlik te gebruik.

Probeer om daagliks ten minste drie groente- en twee vrugteporsies te eet. Onthou, vir ’n gesonde bord, moet minstens die helfte van die bord uit groente en vrugte bestaan. ’n Kwart kan styselporsies insluit en die laaste kwart kan uit proteïenryke voedsel bestaan.

Gebruik ’n verskeidenheid groente en vrugte, omdat elke voedselsoort ’n unieke kombinasie van voedingstowwe bevat. Begin gerus jou eie kruietuin, al is dit op ’n balkon/vensterbank.

Gebruik dikwels vars groente in slaai. Koolsoorte soos babakool en rooikool kan met ’n Marokkaanse slaaisous en ...