[VIDEO] CARIKE KEUZENKAMP – ’n Lewe van roem, liefde en ware vreugde 

CARIKE KEUZENKAMP is ’n legende in die Afrikaanse musiekbedryf. Sy gesels oor haar lewe in die openbare oog, ’n suksesvolle huwelik en ’n lewe vol vreugde en dankbaarheid. 

Vroeg in my huwelik het Olaus my geleer hoe belangrik dit is om te dink voor ek praat, veral wanneer ek in die kollig is. Op 19 of 20 moes ek die media hanteer, en gelukkig was Olaus daar om raad te gee.  

Hy sou sê: “Dink eers oor die saak. As iemand iets wil weet, vra vir ’n oomblik om die stoof af te sit en bel dan terug.” Dit help om nie dadelik te reageer nie. 

Ek het ook geleer dat jy nie ’n mening oor alles hoef te hê of dit altyd hoef te deel nie. Dit is beter om diplomaties te wees en te erken dat sommige kwessies moeilik is en dat dit moeilik kan wees om ’n kant te kies. 

Om met dankbaarheid te leef beteken om te fokus op wat jy het eerder as wat jy kortkom of wat verkeerd geloop het. Ware vreugde kom van binne, en ek is dankbaar vir ...