Jou 40’s en 50’s gaan gewoonlik gepaard met normale fisieke veranderinge. A.Vogel se reeks produkte vir menopouse en prostaatgesondheid sal jou help om die simptome van hierdie veranderinge doeltreffend te behandel en bestuur.
Menopouse gaan oor meer as net ongemaklike hittegloede
Menopouse is ’n natuurlike fase wat die einde van ’n vrou – gewoonlik tussen 49 en 52 jaar – se vrugbare jare inlui.
Tydens hierdie oorgang hou die eierstokke op om estrogeen en progesteroon te vervaardig, en maandstonde kom tot ’n einde.
Die proses begin dikwels reeds in haar 40’s, wanneer wisselende hormoonvlakke verskeie simptome kan veroorsaak wat jou daaglikse lewe en verhoudings raak.
Algemene simptome sluit hittegloede, nagsweet, slaapversteurings, angs, buierigheid en “breinmis” in.
Minder bekend is dat menopouse ook IBS-agtige simptome, gewrigspyne en migraine kan veroorsaak of vererger.
Dokters kan behandelings aanbeveel, terwyl bekende kruieprodukte ook simptome kan verlig.
In Westerse lande gebruik sowat 40-50% van vroue aanvullende terapie om hierdie fase te bestuur.
Probeer A.Vogel se produkte om jou te help.
Menopouse en prostaatprobleme hoef julle nie onder te kry nie. Besoek avogel.co.za en bestel jou produkte aanlyn om te kwalifiseer vir ’n gratis afleweringsfooi as jy drie of meer produkte bestel.
Bestuur jou oorgangsjare op ’n natuurlike manier
Drink elke dag ten minste twee liter vars, gefiltreerde water om gehidreer te bly en simptome soos hittegloede beter te hanteer.
Dra verskillende lae klere om vinnig aan te pas wanneer hittegloede onverwags opduik.
Volg ’n gesonde dieet en vermy eetgoed wat gloede kan veroorsaak, soos warm kos, alkohol en kafeïen. Vermy ook koolhidrate en suiker in die aand.
As slaap moeilik raak, oorweeg natuurlike slaapmiddels met valeriaan en hop. Te min slaap kan ander simptome, soos buierigheid en angs, vererger en ’n bose kringloop veroorsaak.
Vir ander menopouse-simptome kan jy A.Vogel Menoforce oorweeg, wat salie-ekstrak bevat – ’n bekende natuurlike oplossing vir menopouse.
Hierdie eenvoudige stappe kan jou help om jou oorgangsjare beter te bestuur.
Prostaatgesondheid is ’n algemene bekommernis vir mans in hulle oorgangsjare
Terwyl vroue die uitdagings van menopouse hanteer, ervaar hulle mans of lewensmaats ook ouderdomsverwante veranderinge, soos simptome van ’n vergrote prostaat.
Hierdie toestand, bekend as benigne prostaathiperplasie (BPH), is ’n niekankeragtige vergroting van die prostaatklier wat geleidelik met ouderdom voorkom.
Namate die prostaat vergroot, plaas dit druk op die blaas en uretra, wat simptome veroorsaak soos gereelde urinering (veral snags), probleme om te urineer, ’n swak of onderbroke urienstroom, ’n gevoel dat die blaas nie heeltemal leeg is nie, en seksuele uitdagings, insluitend erektiele disfunksie.
Ongeveer 50% van mans in hulle 50’s ervaar hierdie simptome, en teen hulle 60’s styg dit tot 70%.
BPH kan jou maat se lewenskwaliteit en selfs jou slaap beïnvloed.
Dit is daarom belangrik dat manlief dokter toe gaan vir ’n behoorlike diagnose en behandeling.
Natuurlike maniere om na die prostaat om te sien
Hoewel dit nie moontlik is om die prostaat se groei heeltemal te keer nie (wetenskap is nog onseker oor waarom die prostaat aanhou groei), is daar maniere om prostaatgesondheid te verbeter.
Handhaaf ’n gesonde gewig deur gereelde oefening, en beperk jou inname van alkohol en kafeïen, aangesien dit die simptome kan vererger.
Vir ekstra ondersteuning kan jy A.Vogel Prostasan gebruik, wat saagpalmetto-bessie-ekstrak bevat.
Hierdie natuurlike middel is goed nagevors en help om die algemene simptome van ’n vergrote prostaat, soos gereelde urinering en urinêre ongemak, te voorkom en te behandel.
Deur hierdie eenvoudige stappe te volg, kan jou man sy prostaatgesondheid bevorder en lewenskwaliteit verbeter.
