Facebook Instagram Youtube
Wie kan jy vertrou met alles? - RIANA NEL

Wie kan jy vertrou met alles?

Bekendes / By

“Wat ook al gebeur, Hy is met my” Op sangeres RIANA NEL se geloofspad was daar al baie op- en afdraandes. Sy stap dit dapper saam met God in die wete dat Hy elke dag goed is, dat ’n mens altyd veilig by Hom kan wees. Op 19 het ek alleen van Namibië na Pretoria verhuis. Dit was erg en ek het baie gehuil, maar hierbinne was die wete dat die skuif nodig is om drome te verwesenlik. Dit was nog altyd ’n probleem. Die onbekende laat my bang en onseker voel … Dis makliker om vas te klou aan wat bekend is, selfs al was dit ook in ’n stadium vreemd en onbekend. Dit laat my dink aan Petrus, wat uit die boot geklim en op die water geloop het. Dit was altyd vir my snaaks hoekom die ander dissipels dit nie ook gedoen het nie. Toe die besef: Dit was Petrus se tyd en Jesus het gesê hy kan maar uitklim en loop. Hy roep ons dikwels tot groter dinge, omdat ons tot meer in staat is as wat ons onsself gun om te glo … Mense wonder ook dikwels: “Het ek reg gehoor?” ’n Goeie maatstaf: Die…...

Om toegang te kry tot die volledige artikel:
Teken aan Teken in
‘Die lewe is een groot avontuur’ - ZOË BROWN

Die lewe is een groot avontuur

My storie / By

Vir die onbekende is ZOË BROWN nie bang nie. Inteendeel, passie, toewyding en selfdissipline help haar om berge te versit. Vir haar is die lewe een groot avontuur. Daar is om elke hoek en draai iets nuuts om te ontdek. Zoë is ewe behendig met ’n boor as met ’n haartang. Dis amper simbolies van haar lewe as aanbieder op die kassie en radio-omroeper. Sy het wel altyd ’n kenmerkende glimlag op haar gesig en straal van selfvertroue, maar daar was ’n tyd in haar lewe toe sy nie so selfversekerd was nie. ’n Tyd toe sy by die diep kant ingegooi is en geen ander keuse gehad het as om te swem nie. As gebore Kapenaar het Zoë gehoor sy en haar gesin gaan Durban toe trek. Die nuus was ’n groot skok, veral omdat sy toe in Engels sou moes skoolgaan. Voorbereidingsklasse moes haar help gewoond raak aan die nuwe taal, maar niks kon haar heeltemal voorberei vir wat gewag het nie. Skielik was alles anders: Dit was ’n heeltemal nuwe omgewing, ’n vreemde skool, nuwe maats en ’n ander taal. As iemand wat gewoond was om in Afrikaans te sosialiseer, het Zoë onseker en teruggetrokke gelyk. Sy…...

Om toegang te kry tot die volledige artikel:
Teken aan Teken in
Wat maak jou lewe die moeite werd - CRYSTAL-DONNA ROBERTS

Wat maak jou lewe die moeite werd?

My storie / By

Die storms in die lewe het aktrise en aanbieder CRYSTAL-DONNA ROBERTS geleer om elke dag te koester, elke verjaardag met oorgawe te vier, want môre, oormôre is dit dalk verby. My ouma het altyd gesê dat niks sonder ’n rede gebeur nie. Alles op ons lewenspad het ’n spesifieke doel. Dit gaan nie soseer oor wat met jou gebeur nie, maar hoe dit jou karakter laat groei. Party krisisse voel sinneloos en onnodig … Lesse wat ’n mens liefs op ’n ander manier sou wou leer … maar dan word dit tog ’n motivering om harder te druk. Om jouself verder te strek, en om agter te kom hoe sterk jy eintlik is. My pad met borskanker is ’n goeie voorbeeld. Hoekom het dit gebeur? Watse lesse moes daaruit geleer word? Dis steeds ’n raaisel, maar dit het my perspektief op die lewe verander en verdiep. ’n Noue ontkoming met die dood leer jou om elke dag te koester … Om elke verjaardag met oorgawe te vier, want môre, oormôre is dit dalk verby. Elke aspek van die lewe word nou meer intens waardeer. Oomblikke, geleenthede, gesprekke, vriendskappe … elke ervaring is spesiaal. Ek het ook geleer om anders na…...

Om toegang te kry tot die volledige artikel:
Teken aan Teken in
“God het my nog nooit gelos nie” - MARNO VAN DER MERWE

God het my nog nooit gelos nie

My geloof / By

In die film Bond of Blood draai die hoofkarakter, vertolk deur MARNO VAN DER MERWE, sy rug op sy ouerhuis. Só word die verhaal van ’n verlore seun van vandag vertel. In die werklike lewe moes Marno ook opnuut leer waar sy hulp vandaan kom. Geloof en gebed is die uitweg uit enige situasie My hele lewe en loopbaan was ’n geloofsreis. Kerk het vir my baie gou meer as net die gebou van bakstene geword waar ek Sondae na ’n preek gaan luister. My wonderlike ma was ten volle uitverkoop aan Jesus. By haar was daar nooit enige twyfel nie – geloof en gebed was die eerste en enigste uitweg uit enige situasie. As jong seun het ek meer as een keer die voorreg gehad om te sien en beleef hoe iemand se gebed en geloof wonderwerke verrig. Ek het tóé daaraan geglo, en ek glo steeds onwrikbaar daaraan. Die eerste keer toe ek gesien het hoe kragtig gebed is, was ek seker net sewe jaar oud. My hondjie het weggeraak. Vandag kan ek nie eens meer sy naam onthou nie, maar ek onthou hoe ons na hom gesoek het. Alles verniet. Na drie dae het ek moed verloor…....

Om toegang te kry tot die volledige artikel:
Teken aan Teken in
“Hoop is die taal van my hart” - NADIA BEUKES

Hoop is die taal van my hart

Mense wat inspireer / By

NADIA BEUKES is ’n aktrise, aanbieder, en ma van twee klein lyfies. Geen negatiewe gedagtes kry vastrapplek in haar hart nie. In plaas daarvan om verskonings te maak, glo sy in deurbrake en nuwe geleenthede.  Hoop is die lig aan die einde van ’n donker tonnel. Om te weet dat daar iets beter is wat vir my wag … Die wete dat ek om die volgende draai ’n rigtingwyser sal vind – dit gee my krag om die een voet voor die ander te sit. Hierdie bakens is geliefdes, geleenthede en verantwoordelikhede. Mense wat my motiveer om uit te hou en aan te hou. As ’n mens die regte rigting inslaan, maak jy jou gereed vir oorwinning en groei. Daar was al verskeie uitdagings wat my wou onderkry en my lewenslus wou steel. Soms moet ’n mens net opstaan, aantrek en opdaag. Al is dit al wat jy gedoen kry, is dit ’n tree in die regte rigting. Al lyk ons lewens vir ander piekfyn, werk dinge nie altyd uit soos ons beplan nie. Dis wanneer ’n mens moet onthou dat ons die vermoë het om onverwagse hindernisse te oorkom. Ek het dit nie dadelik agtergekom nie, maar vandag weet…...

Om toegang te kry tot die volledige artikel:
Teken aan Teken in
“Gebroke verhoudings is altyd pynlik” - NATHANYA VAN ZY

Gebroke verhoudings is altyd pynlik

Lewensdrama / By

Verhoudings is nie maklik nie. Om die regte maat te kies, kan opwindend wees. Maar niks maak so seer soos ’n gebroke hart nie. Juis daarom is dit NATHANYA VAN ZYL se passie om ander dié pyn te spaar. Ons almal droom daarvan om goeie verhoudings  te hê, hetsy vriendskaplik of romanties. Maar ons weet ook dat alles nie altyd uitwerk nie. Drie vroue vertel van hulle verskillende ervarings met verhoudings … Huis koop, kar koop en man kies was tot dusver vir my die moeilikste goed om te doen. Miskien het ek ’n probleem met keuses. “Wat as” of “wat van” is altyd die vrae wat tussen my en ’n besluit kom. Die spreekwoord van trou is nie perdekoop nie, is té ernstig opgeneem. Van daardie eerste bakvissieliefde af was verhoudings nie vir my eenvoudig nie. Keer op keer het ek verkeerd gekies, en wanneer die verhouding nie uitgewerk het nie, was dit verskriklik. My waarde, selfbeeld, alles het daaronder gely. Gebroke verhoudings is pynlik, maar vandag weet ek my seer moes nie so intens gewees het nie. Omdat my identiteit egter so nou aan my verhoudings verbind was, was elke opbreek soos die einde van die wêreld. So…...

Om toegang te kry tot die volledige artikel:
Teken aan Teken in
Só oorkom ek ... verlies - Rianet Engelbrecht

Só oorkom ek … verlies

Lewensdrama / By

Op aarde is ons nie sonder seerkry nie, maar ook beslis nie sonder God nie. Sommige dae is moeilik. Dit neem tyd om aan jou wonde gewoond te raak, sê Rianet Engelbrecht, ma van die vermoorde Marna Engelbrecht. Ek het nog die vorige middag vir Marna deur die motorruit gegroet voordat ek plaas toe gery het. Nooit het ek kon dink dat dit die heel laaste keer sou wees nie. Maar iewers deur die loop van daardie nag, is Marna en haar vriendin in hulle koshuis vermoor … Stefaans se foon begin lui. Hy is ontsteld. Waar is my foon? Soek. Fokus. Alles voel deurmekaar. Riané kla dat my foon al ’n ruk lank lui. Dan kom die nuus wat ons hele wêreld omkeer. Selfdood? Marna én haar maat Sharnelle? Kan nie wees nie. Maar dis wat die stem oor die telefoon vir my sê. Albei van hulle. In die koshuis, gisteraand. Ons drie bondel in die bakkie in. Die res van die pad bid ek vir krag, genade en vrede. Wat ook al gebeur het, Marna het die Here geken. Waarvoor kan ek meer vra? Op aarde is ons nie sonder seerkry nie, maar ons is ook beslis nie…...

Om toegang te kry tot die volledige artikel:
Teken aan Teken in
Ja, jy kan - Jou doelwitte bereik

Ja, jy kan… Jou doelwitte bereik

Ja, jy kan! / By

Jy kan miskien nie altyd jou omstandighede beheer nie. Jy kan wel kies hoe jy gaan optree om dinge in jou guns te laat werk om sodoende jou doelwitte te bereik, sê leierskapkonsultant en lewensafrigter ANJA VAN BEEK. Jy sit in ’n fliek. Wat gaan deur jou gedagtes? Is jy tevrede met hoe die verhaal afspeel? Wat sou jy verander? Stem jy saam met die besluite wat die hoofkarakter neem? As jy raad kan gee, wat sal dit wees? Fokus op die doelwitte wat vir jou belangrik is In ons bedrywige lewe is verandering ’n konstante. Druk, uitdagings en onsekerheid maak dit maklik om te vergeet om die pause-knoppie te druk en asem te haal. Word ’n oomblik stil en besin oor wat werklik vir jou saak maak. Watter aanpassings is nodig om te fokus op dit wat vir jou belangrik is? Wanneer laas het jy gedink oor wat jý wil bereik? Watter van jou drome is begrawe en het jy al vergeet? Jy is een besluit weg van die lewe, loopbaan en verhouding wat jy wil hê. En net jý kan daardie eerste stap en besluit neem. Die tyd is nou … begin dans op die ritme van jou…...

Om toegang te kry tot die volledige artikel:
Teken aan Teken in
HOE OM vir hom te skyn - LYNETTE BEER

HOE OM… Vir Hom te skyn

GeloofsLES / By

Die lewe maak soms onverwagte draaie en jou geloofsvlammetjie brand later flou. Jou lewe het egter steeds betekenis, ongeag jou omstandighede, sê LYNETTE BEER. Kleintyd sing ons met oorgawe: “Hierdie klein liggie van my, ek sal hom laat skyn.” Namate jy ouer word, kom jy agter dis nie altyd maklik om jou liggie te laat skyn nie. Mense maak jou seer. Die lewe maak jou seer. En jy maak jouself seer deur die verkeerde keuses te maak. Jou vlammetjie brand só laag dat jy dink vergifnis is onmoontlik; God kan jou nie meer gebruik nie. Dit is egter net ’n gevoel, dis nie die waarheid nie. Hy skryf jou nie af oor jou foute nie Die Bybel vertel van geloofshelde wat ook verkeerde besluite geneem het, ook hulpeloos en hopeloos gevoel het. Partykeer was hulle mislukkings so groot dat God amper die reg gehad het om Sy rug vir hulle te draai. Dit is egter allermins wat gebeur het. Vir Hom gaan dit oor verhoudings en verlossing. Jesaja sê dat Hy nooit ’n lamppit wat dof brand, sal uitdoof nie. Gaan lees weer die verhaal van Dawid in 1 en 2 Samuel. Dit ly geen twyfel dat hy een van…...

Om toegang te kry tot die volledige artikel:
Teken aan Teken in
voelgoed media logo

Oor ons

Daar is beslis nie ’n tekort aan nuus nie. “Tog voel dit asof alles wat ons sien en hoor, negatief is,” sê Venessa Schoeman, Voelgoed Media se handelsmerkdirekteur. Maar daar is goeie nuus … Voelgoed se webblad is jóú aanlyn bron vir inspirasie!

Voelgoed Media

Rekening

Volg ons

Scroll to Top

Wen jou deel van R25 000 in samewerking met Voelgoed en Virseker!