![Bederf jou gesin met ’n lekker vakansie op die Tuinroete [Vennoot]](https://voelgoed.co.za/wp-content/uploads/2024/10/Bederf-jou-gesin-met-n-lekker-vakansie-op-die-Tuinroete_result-1-1024x536.webp)
ATKV-Hartenbos is ’n spoggerige oord, geleë op die wêreldbekende Tuinroete tussen Kaapstad en Gqeberha en bied aan besoekers die perfekte gesinsvakansie in die vars seelug. Dis naby die lughawe geleë en ’n ware paradys vir natuurliefhebbers.
’n Verskeidenheid ontspanningsgeriewe vir die hele gesin
Asof die natuurskoon nie genoeg rede is om die wêreldbekende Tuinroete jou keuse vir ’n wegbreek te maak nie, spog ATKV-Hartenbos ook met ’n verskeidenheid ontspanningsgeriewe en vermaakaktiwiteite soos ’n pretpark, mini-gholfbaan, die Seefront-sentrum en nog vele meer.
Daar is iets vir die hele gesin om te doen om te verseker dat almal hulle vakansie ten volle geniet.
Bespreek nou jou gesinsvakansie!
ATKV-Hartenbos bied aan jou die blaaskans wat jy verdien. Bespreek by hartenbos.co.za/besprekings of hou atkvoorde.co.za/promosies/ dop vir sakpas-aanbiedinge.
Ongekende gasvryheid met die mooiste uitsig oor die see en natuur
By ATKV-Hartenbos word elke gas deur pragtige natuurtonele en met ongekende gasvryheid verwelkom.
Sakpas-gesinsvakansies by die see is moontlik met die oord se verskillende soorte verblyf waar jy per eenheid en nie per persoon betaal nie.
Dit spog verder ook met verskillende soorte selfsorgakkommodasie soos rondawels, strandhuise, rivieroewerhuise, asook verskeie luukse verblyfopsies met bed en ontbyt by die Seefront-solders.
Die oord is ook die perfekte plek vir ’n heerlike woonwavakansie.
Die magdom kampeerstaanplekke tot jou beskikking is elk toegerus met ’n kragpunt, met ’n keuse van see-uitsig of geen see-uitsig nie.
’n Ware paradys waar jy werklik net kan ontspan
By ATKV-Hartenbos voel almal tuis. Dit is daarom geen verrassing dat hierdie oord as die ATKV se vakansieparadys bekend staan nie.
Hartenbos dien as die ideale basis vanwaar jy die magdom toeriste-attraksies in die omgewing kan verken, en streef daarna om altyd ’n veilige en skoon omgewing te bied.
As jy ’n ruskans kort, en op soek is na vars seelug en branders wat op jou voorstoep breek, is Hartenbos jou antwoord!
Neem ’n wegbreek na jou tuiste langs die Tuinroete en kom geniet bekostigbare Mosselbaai-pret!
