Dis heeltemal natuurlik dat jy jou kinders in ’n glaskas sou wou sit om hulle teen die lewe te beskerm. Tog móét hulle vir noodsituasies voorberei word. 

Berei jou kinders voor vir gevaarlike situasies 

Weet die kroos wat om in ’n krisis te doen of sal hulle soos soutpilare bly staan? Dis jou plig om hulle te help om hulleself te beveilig in moeilike en moontlik gevaarlike omstandighede.

Moenie kinders jonger as tien alleen by die huis los nie. Ouer kinders moet weet wie hulle kan bel as hulle nie vir Pa of Ma in die hande kan kry nie. Maak seker dat almal, ook die kleintjies, die noodnommers uit hulle koppe ken. Plak dit by die telefoon op en leer hulle wat om te sê as hulle ’n noodoproep maak.

Tien sekondes is al wat ’n skelm nodig het om in te glip. Waarsku hulle om altyd al die deure gesluit te hou en vir niemand oop te maak nie. Dis natuurlik vanselfsprekend dat julle huis veiligheidshekke, diefwering en dalk ook veiligheidskameras sal hê.

Moet egter nooit jou kinders in ...