“Geld maak geld. Baie min mense verstaan dit totdat hulle dit in die praktyk sien gebeur,” sê sakeman en finansiële kenner WOUTER SNYMAN.  

Skep welvaart deur goeie beplanning toe te pas 

Ek wil vir jou die R5-per-dag-verhaal vertel. Die R5-per-dag-verhaal is eintlik die vereenvoudiging van die waarde van geld. Baiekeer dink ons dat ons R1 000 of R10 000 moet hê, anders gaan ons nooit oor die weg kom nie. Die R5-per-dag-verhaal fokus op R5 per dag wat jy spaar. Daardie R5 per dag is R150 per maand.

Die meeste van ons het ’n selfoonpakket. As jy dalk soos ek in in die verlede in die strik getrap het om elke twee jaar ’n nuwe foon te kry, is dit dalk die beste plek waar jy kan begin om te bespaar. Het jy die beste pakket? Onthou, dit is ’n ongelooflike mededingende wêreld en net een van daai elemente kan vir jou R150 per maand gee.

Kyk mooi na jou uitgawes om te sien of daar ’n geleentheid is om te sê: Kan ek geld spaar? Want dit gaan nie net oor spaar nie. ...