[Oudio] Basta bederf – leer jou kinders verantwoordelikheid – Benescke Janse van Rensburg, radio-aanbieder

Ons bederf so graag ons jongspan wanneer hulle klein is. Moet dit liewer nie oordoen nie, anders gaan jou kinders moeilik verantwoordelikheid aanleer.

Waar is daardie goue streep tussen versorg, beskerm en koester teenoor terugstaan en hulle hul kant laat bring in die huis? Sodat hulle verantwoordelike jongmense kan word?

Dit bly vir my ’n geweldig moeilike vraag. My agtergrond is een van ’n koshuiskind. Ek was my hele skoolloopbaan in die koshuis, aangesien my ouers op ’n plaas in die Vrystaat woon. Dit was ons enigste opsie. Party mense hou glad nie daarvan nie, maar ek was gaande daaroor.

Ek was in Bloemfontein op hoërskool, dus het ek my ouers meestal net oor naweke en vakansies gesien. En wanneer ons op die plaas was, was dit bederf op bederf, want ons én hulle het verlang. Tot vandag toe dink ek my ma is die beste ma in die wêreld.

My realiteit van my ma wat nog altyd ’n vakansie- en naweekma vir my was, het ingeskop toe ekself ’n ma word. Toe my kinders ouer word en hulle is heeltyd by my.

Scroll to Top

Wen jou deel van R25 000 in samewerking met Voelgoed en Virseker!