Diepgaande geselsies is leer- en groeitye vir almal in die huis. Hierdeur word ouers dinge wys oor wat in hulle kroos se koppe en harte aangaan. 

Praat met mekaar al is die omstandighede ongunstig 

Gesprekvoering is soos ’n tennisspel. Die bal word oor die net geslaan, van die een speler na die ander met ’n spesifieke ritme. Daardie ritme is iets wat aangeleer kan word.

Om te gesels kan moeilik wees as die tydsberekening swak is. Op daardie oomblik wat jy ’n duisend dinge het om te doen of moeg is na ’n lang dag, wil jou kind dalk ’n hart-tot-hart gesprek hê. Dalk vra hy moeilike vrae en is jy nie seker hoe om dit te antwoord nie.

Kinders se brein, emosies, opinies en uitkyk op die wêreld word deur gesprekke gevorm. Of ons nou oor die gevare van ’n haelstorm of die bedelaar op die straathoek gesels, jou kind se denke en vaardighede, soos empatie en probleemoplossing, ontwikkel. Dit help ook om karakter te bou as julle verskillende waardes en opinies bespreek.

Die soort gesprek wat julle voer, gaan ...