10 min. + gaarmaak 15 min.
4 mense

filetmedaljons of braaivleis van jou keuse  

1 t olyfolie  

1 rooi slaai-ui, opgekap  

3 e rou heuning  

150 g ekstra maer klam biltong  

1 t woestynsout of pienk sout  

½ t peper  

2 t paprika, opgehoop  

2 e balsemiekasyn  

3 t knoffel- of uievlokkies, opgehoop  

150 g songedroogde tamaties  

10 g of ’n handvol vars gekapte tiemie 

1. In ’n pan oor matige hitte, braai die uie in olyfolie tot gaar.  

2. Voeg die heuning by en roerbraai totdat die heuning gekaramelliseer het.  

3. Voeg dan die biltong, al die speserye en balsemiekasyn by en roer goed.  

4. Rond af met varsgekapte tiemie en dien op saam met filetmedaljons of braaivleis van keuse.