15 min. + baktyd 25-30 min. 1 groot gebak
Maak ‘n heerlike gebakte nagereg met vars perskes en bloubessies! Hierdie maklike gebakte poedingresep is die perfekte nagereg vir enige geleentheid.
BESTANDDELE
6 poedingperskes
400 g bloubessies
vars tiemie en bloubessies vir garnering
Vir die kors en krummellaag
250 g amandelmeel
2 e rou heuning
1 e water
1 t sout
1 t vanieljegeursel
¼ t fyn kaneel
STAPPE
- Stel die oond op 180 °C.
- Meng al die krummelbe standdele saam in ’n bak totdat dit ’n klam krummel vorm.
- Berei ’n tertpan voor met kleefsproei.
- Gebruik helfte van die krummels om ’n kors te vorm deur dit ferm plat te druk op die bodem van die tertpan.
- Hou die ander helfte vir die krummellaag bo-op.
- Sny die poedingperskes in skywe en rangskik in die tertpan.
- Neem die bloubessies in jou hande en druk effens stukkend voordat dit op die perskeskywe gerangskik word. Doen dit om te verseker dat die bessiesap deur die tertkors geabsorbeer word.
- Rond af deur die res van die krummels bo-oor te sprinkel.
- Bak vir 25 tot 30 minute.
- Laat effens afkoel.
- Garneer met vars tiemie en bloubessies voor opdiening.
- Sit warm voor.
