Nuwe jy-finalis 2022
Talita van Dyk (37), administratiewe beampte, het 16 kg met die Nuwe jy-program deur middel van Slender Wonder verloor …
’n Ma by die skoolkoorafsluiting stop viervoet in haar spore. “Haai, dis wraggies jy. Ek loop al heel middag verby en herken jou nie. Jy lyk stunning!”
Iemand anders merk op hoe jonk en gesond ek lyk.
By die gim verbaas ek myself met die kardio en gewigte wat lag-lag deel van my nuwe roetine geword het; en dit nogal vir iemand wat nog altyd aan haarself as onatleties gedink het.
“Talita, jy kán gatskop,” klop ek myself op die skouer.
Vir die eerste keer in jare loop hierdie vrou oor van selfvertroue – teenoor bekendes en vreemdelinge.
Deesdae neem ek komplimente ter harte en deel ek dit ook gul uit aan ander.
Ek is nie meer die mens wat heeltyd wil baklei en kwaad is vir die wêreld nie.
Mense se (negatiewe) opinies maak of breek my nie meer nie. Ek weet nou dit het eintlik niks met my uit te waai nie.
’n Nuwe vrede en tevredenheid het hierbinne ontluik – en dít gaan ek koester vir die res van my lewe!
Die Nuwe jy-program word geborg deur
SLENDER WONDER – ‘n mediese gewigsverliesprogram
Vir meer inligting oor
Nuwe jy se jaarlikse 60 dae-uitdaging (Februarie en Maart),
kliek op nuwejy.co.za/60-dae-uitdaging.
