IVOR SWARTZ is ’n motiveringspreker en jeugpredikant by NG kerk Oosterlig, Pretoria. Hy kyk ondanks moeilike omstandighede, groot foute en swak keuses wéér die lewe vierkantig in die oë.

Vir die mense wat jou nie eintlik ken nie, waar het jy grootgeword? 

Ek kom van Grabouw af, ’n baie klein dorpie in die Wes-Kaap. Die area waarin ek grootgeword het, is Gaatjie. Dit was ’n baie arm area.

Ek sê altyd daar is vier goed waarvoor Gaatjie baie bekend was: hopeloosheid, armoede, rondloperhonde en afwesige pa’s.

Ek het in ’n huis grootgeword waar daar nie ’n pa was nie. My pa is dood toe ek drie jaar oud was en my ma moes ons grootmaak.

My ma was ’n gelowige persoon. Sy’t kerk geloop en sy moes die rol van moeder, vader en disciplinarian speel.

Ek het ook ’n ouer broer gehad. Hy was ’n monster wat ons om elke hoek en draai aangerand het.

Hy was deel van die bendes en as gevolg van sy betrokkenheid, het ek my ook later by bendes aangesluit ...