[OUDIO] Word ’n droomspeurder – soek en vind die beste vir jóú 

“As jy ’n droomsoeker wil wees moet jy begin by die vraag: Wie is ek? Jy kan tog nie ’n droom leef as jy nie weet wie jy is nie,” sê LYNETTE BEER. 

Jy moet weet of jy ’n introvert of ’n ekstrovert is. Is jy ’n taakgerigte mens of ’n verhoudingsmens? Dit beïnvloed jou droom.

Jy moet weet wat die sondeval kom steel het van die wonderlike droom wat God in jou hart geplaas het. Alles wat God gedoen het, was wonderlik en perfek. Toe kom die sondeval … en versteur die balans.

Ek het besef dat ek moet weet hoe goed God my bedraad het, want dit gaan bepaal hoe ek my droom gaan benader.

Die sondeval het gemaak dat sekere mense die glas altyd halfleeg sien. Dit gaan jou droom beïnvloed. Die sondeval het gemaak dat sekere mense elke dag van hulle lewe met vrees leef.

Jy moet weet wat die sondeval gesteel het, andersyds gaan die duiwel daardie swakheid gebruik om seker te maak jou droom word nie bewaarheid nie.