Al ooit gewonder waarom julle meer soos opponente in ’n bokskryt as vennote in ’n huwelik voel? Die oplossing is – verstaan mekaar, en vier dan julle verskille! 

Só oefen julle om ’n span te wees

As ’n paartjie trou, dink hulle dat alles outomaties reg sal verloop, want hulle is mos lief vir mekaar. Maar hoekom sukkel hulle dan so om saam te stem oor dinge?

In sy boek Men and Women: Enjoying the Difference gee dr. Larry Crabb die antwoord. Hy beweer dat mans en vroue koppe stamp omdat hulle selfgesentreerd is. Elkeen wil graag sy of haar sin kry.

Hy glo dat elke man presies het wat sy vrou nodig het, en andersom. As elkeen dus meer op die ander party se geluk fokus, gee hulle outomaties vir mekaar daardie dinge. Dan ontwikkel daar ’n kosbare intimiteit in die huwelik, soos dit oorspronklik bedoel is.

Daar word gesê die grootste toets vir enige huwelik is om ’n muur met muurpapier uit te plak.

As julle dit al probeer het, sal jy weet ’n mens kry ...