Tantrums is kragtige emosionele storms. Dit kan ouer en kind totaal oorweldig, en hulle kwaad en magteloos laat voel. Gelukkig is daar iets wat jy kan doen. 

Daar is verskillende redes vir jou kind se tantrums 

Daar is besliste redes waarom kinders op bepaalde maniere reageer. Dit het gewoonlik te doen met honger, moegheid, spanning, frustrasie of teleurstelling. Party kinders reageer meer gereeld met ’n uitbarsting as ander, want dit hou verband met individuele breinontwikkeling en sensoriese temperamente.

Om te ontplof is deel van die normale groei en grootword by kinders. Regtig! Hiersonder sal hulle nooit leer wat om met groot emosies te maak nie.

As kinders se emosies buite beheer raak, ontwikkel essensiële breinnetwerke wat emosionele regulering bevorder. Daarom kan jy, volgende keer as jou kind ’n woede-uitbarsting kry, diep asemhaal en jouself herinner dat dit normaal is. Meer nog: Dit is nodig vir gesonde breinontwikkeling.

Daar is twee tipes woede-uitbarstings. Met elkeen gebeur daar iets anders in jou kind se brein. Elke tipe moet daarom op ’n spesifieke manier benader en hanteer word.

Die eerste tipe ...