Almal smag na finansiële welvaart, maar weet nie presies hoe om dit te kry nie. Programmeer jou brein vir ryk word en dit kan gebeur, sê WOUTER SNYMAN. 

Skep ’n nuwe visie vir jou lewe en finansies 

Baie mense het ’n negatiewe siening oor hulle geldsake. Daar kan natuurlik baie redes hiervoor wees. Die waarheid is, ons beperk onsself deur negatief te dink. Jy sal nooit bo hierdie beeld in jou gedagtes kan uitstyg nie.

’n Mens se verbeelding is eintlik maar soos ’n skoon skilderdoek. Jy sien iets in jou gedagtes en begin dit dan “skilder”.

Moenie dink: Ek kan nie. Dink eerder: Hoe kan ek?

Elke mens het beslis die geleentheid, en ook die verantwoordelikheid, om ’n nuwe visie vir haar lewe te skep, veral wat finansies betref. Die prentjie wat jy self in jou kop geteken het, moet eers verander, dan sal jou finansies stukke beter begin lyk.

Kry eerstens iets waarvoor jy kan werk, met ander woorde, ’n “hoekom”. Sê byvoorbeeld vir jouself jy moet genoeg geld belê sodat jou passiewe inkomste vir die ...