[OUDIO] Emosies is die sondebok van ons kosdrange

Belustigheid (cravings) is die diepe begeerte of drang om iets spesifiek te eet. Dit is belangrik om te weet dat lus en honger nie dieselfde ding is nie.

Honger is fisiologies van aard. Jou bloedsuiker daal omdat jy lanklaas geëet het. Jou maag grom en jy voel jy is gereed om te eet. ’n Oorweldigende lus is iets anders.

Dit kan jou oorval, al het jy sopas geëet. Dit is in werklikheid jou brein wat ’n noodsein uitstuur vir “goedvoel-hormone” om jou beter te laat voel.

Heelwat teorieë bestaan oor hoekom ons lus raak vir kos, maar daar is nie voldoende bewyse vir almal nie. Een is dat die liggaam sekere voedingstowwe benodig wat ons in ’n spesifieke produk sal kry.

Nog ’n teorie is dat mense wat hulle diëte beperk en hulleself gereeld uithonger, meer geneig is om lus te raak vir ongesonde kosse. Mense wat ontbyt oorslaan of min deur die dag eet, raak ook dikwels lus vir ’n soetigheidjie ná aandete.

Die geloofwaardigste bevinding is dat sekere kosse ’n uitwerking op spesifieke dele van ons brein het. Dié kosse kan ...