[OUDIO] Wraakgedagtes rig net meer skade aan

Wraak hou jou vasgevang in donker gedagtes in jou hart. Vergifnis verskoon nie die daad nie. Om te leer om te vergewe, voorkom wel meer skade. 

Soms is ’n mens net so verwond dat jy tyd benodig om jou kop weer skoon te kry. Nie sodat jy kan tob oor wat gebeur het nie, maar om daadwerklik en doelgerig die pyn te verwerk. Of dalk koester jy ’n verwronge prentjie van vergifnis.

Vergifnis verskoon nie die daad nie. Dit ontken nie wat gebeur het of die erns daarvan nie. Dwaas is dwaas. Salomo het dan gesê: Soos ’n voël wat sy nes net so los, so is ’n man wat sy gesin in die steek laat (Spr. 27:8).

Miskien is jy oorgeslaan vir ’n posisie wat jou toekom, ingedoen, verraai of verneder. Dit bly jou keuse oor hoe jy hierdie verkeerdheid gaan trotseer.

Salomo maan ons aan in wysheid: Moenie sê: “Ek wil my wreek oor die kwaad wat my aangedoen is” nie; vertrou op die Here, en Hy sal jou help (Spr. 20:22). Alles in die lewe verhandel teen iets anders. Jou keuse om aan ...