Stokvis met soetrissie en pynappel is ‘n moet-probeer! Hierdie maklike seekosresep verander eenvoudige vis in ‘n heerlike maaltyd waarvan almal sal hou. 

BESTANDDELE 

800 g (1 boks) gevriesde stokvisfilette  

1 medium rooi-ui  

’n halwe geel soetrissie  

’n kwart vars pynappel, in stukkies gesny  

1 e olyfolie  

1 t woestynsout of pienk sout  

½ t growwe swartpeper  

2 t uiepoeier  

1 e heuning  

vars koljander  

sap van 1 lemmetjie 

STAPPE 

  1. Stel die oond op 200 °C. Berei bakplaat voor met kleefsproei.  
  1. Plaas gevriesde stokvis op die bakplaat en bak in die oond vir 10 minute.  
  1. Kap die rooi-ui fyn, en sny die soetrissie en pynappel op in stukkies.  
  1. Meng die res van die bestanddele in ’n mengbak totdat die heuning opgelos is en voeg dan die ui, pynappel en soetrissie by.  
  1. Haal die vis na 10 minute uit die oond, skep die pynappelmengsel oor en bak vir nog 20 minute.  
  1. Dien dadelik op saam met bykos van jou keuse.