Wat is die verskil tussen ’n goeie verhouding en ’n voortreflike een? Die hoeveelheid pret en humor wat julle deel, maak die verskil! 

Opwinding is belangrik in ’n verhouding 

As een (of albei) van julle gedurig verskoning moet maak omdat iets “belangrikers” voorgeval het, geniet julle verhouding nie voorkeur nie. Hoe meer julle saam kan lag en speel, hoe gesonder is die verhouding, verduidelik dr. Howard Markman in sy boek Fighting for Your Marriage.

Speel is die ligte kant van die lewe. Ons lewens het so vinnig en ernstig geword dat daar gewoonlik net tyd is om sukses na te jaag. Dit vra dus ’n doelbewuste besluit om elke dag te laat tel, om vir mekaar lief te wees en dit pret te maak.

Sommige verhoudings se fut is binne die eerste paar jaar uit. Dan wonder hy en sy wat hulle ooit tot mekaar aangetrek het. As julle gereeld kortaf en geïrriteerd is met mekaar, het albei waarskynlik ’n behoefte aan opwinding, maar julle wag vir mekaar om die inisiatief te neem.

Wees jy die eerste om jou maat te ...