[VIDEO] Die lewe gaan oor seisoene 

MARCIEL HOPKINS het baie geleer uit haar tyd as Boer Soek ’n Vrou aanbieder, maar nou stap sy weg met vrede en opgewondenheid vir die toekoms. 

As aanbieder van Boer Soek ’n Vrou het ek baie gereis, en was dikwels van die huis af weg. In die laaste vier jaar was ek 41 weke nie by die huis nie – dit is nege maande weg van my bed en van aande saam met my man, net stilte op die bank en ’n glas wyn.

Hierdie tyd weg het ons verhouding soos ’n langafstandverhouding laat voel. Ek het besef dat ek my persoonlike lewe moet prioritiseer.

Ek en my man is al twee en ’n half jaar getroud en saam vir nege jaar. Ons begin nou oor kinders droom, en as ek nog ’n seisoen sou aanbied, sou ek bababeplanning moes uitstel.

Die lewe gaan oor seisoene. Ek voel ek het alles aan Boer Soek ’n Vrou gegee en baie geleer. Nou is dit tyd vir iemand anders, iemand wat hiervan droom en dit as ’n loopbaangeleentheid sien.

Ek stap weg met vrede, al ...