[VIDEO] Praat oor jou angs en depressie 

Die sangeres IRENE-LOUISE VAN WYK is iemand wat nog altyd baie oop is oor haar angs en depressie. Sy hoop en wens dat meer mense sal oop wees daaroor. 

As jy angs en depressie in jou lewe gehad het, is dit nie iets wat net weggaan nie; dit is iets waarmee jy elke dag lewe en elke dag is anders.

Party dae voel jy great en ander dae sukkel jy om uit die bed te klim, wat baie met my gebeur tot vandag toe.

Daar is dae wat ek nie krag het om uit die bed te klim nie. Ek antwoord niemand nie, ek is nie op my selfoon nie, ek ignoreer basies almal.

Dit is vir my belangrik om daaroor te praat, want toe ek grootgeword het, was daar nie vroue wat hieroor gepraat het nie. Ek weet my ma het ook verskriklik baie gesukkel met depressie en niemand het daaroor gepraat daai tyd nie. Sy kon nie daaroor praat nie, want dit was taboe.

Dit is vir my belangrik vir mense om te weet ek is ook net ’n mens.