Die Here sal by jou wees. Die genade sal by julle wees!
(2 Timoteus 4:21-22)

Laat die klere maar oud wees, die speelgoed skraps, die kos op die bord basies, die spyskaart voorspelbaar, die mure jare laas geverf, die stoelbekleedsels verweer, die mat uitgetrap en die kastrolle vol duike en hopeloos verouderd volgens hedendaagse standaarde.

Vul so ’n omgewing met menslike genade – ’n gesindheid wat ook as liefdevolle goedheid omskryf kan word – en die verweerde ou stoel word ’n stukkie hemel, die mat latertyd se soet herinnering, die klere ’n terloopsheid.