Die huwelik is die wonderlikste verhouding waarin jy kan wees. Hoe maak jy seker dat dit nie ’n ontnugtering is nie?

Elke huwelik is anders – vind wat werk vir julle

Vriende en familie moedig jou in jou alleenloperdae aan om te trou, tot die dag waarop jy die knoop vasmaak.

Skielik word elke goeie wens gevolg deur ’n waarskuwing: “Onthou, trou is nie perdekoop nie!” Dan begin jy wonder waarvoor jy jou ingelaat het.

Omdat baie mense teleurgesteld is met hulle eie huwelik, voel hulle dis hulle plig om ander te waarsku. ’n Mens moet die huwelik oopkop en met realistiese verwagtings binnegaan, maar moenie dat ander jou pret bederf nie.

“Elke mens en elke verhouding is anders,” sê Philip du Toit, ’n huweliks- en gesinsberader. “En jou verwagtings oor die huwelik sal afhang van jou eie volwassenheid, aanvaarding van jouself en jou verwysingsraamwerk,” verduidelik hy.

Jy gaan nie noodwendig vandag dieselfde voel as môre nie. “Jy dink anders oor die lewe op dertig as op veertig en ontdek ...