Want Hy het omgesien na sy nederige diensmeisie, en nou sal geslag na geslag my geseënd noem! (Lukas 1:48; NLV)

Buiten Maria se loflied wat elke keer trane in my oë laat opskiet wanneer ek dit lees, is daar iets anders wat my aangryp van haar en ander se verhale. Dit is die Here se keuse wie die ma van die Verlosser op aarde sou wees. En nie net wie sy ma sou wees nie, maar ook die hele lyn van vroue in die saadlyn van die Messias.

Tamar, Ragab, Rut, Batseba en dan Maria. As ons die saadlyn van die Messias moes kies, sou hierdie vroue beslis nie die kortlys óf die langlys gehaal het nie!

Tamar het haar as ’n prostituut vermom, haar eie skoonpa verlei en swanger by hom geraak met twee seuns, Perez en Zerah. Ragab was’n prostituut in Jerigo. Maar danksy haar vertroue in die God van Israel is sy gered toe Jerigo geval het. Sy en Salmon het ’n seun gehad met die naam Boas.

Rut, die heidense vrou wat haar eie lewe agtergelaat het om saam met haar skoonma ...